2021年9月6日 星期一

繼續分享的動力來源

話說早前分享了一條片,希望了解一下網友睇小弟影片時傾向什麼題材,不妨說說感想。誰知得到數百則留言,大部分留言內容認真發表,也說出不少心底話來,有些更看得我「眼濕濕」。


近年,blog的留言交流氣氛不濃,這算是整體風氣吧,因為我常看的blog也有差不多的現象。如今交流較熱烈的反而是youtube。看到該片中留言,更有不少網友是近年或近月才接觸到小弟的。

近月留意到youtube channel view數大減,令分享熱情也冷卻,實在不懂youtube的AI演算法如何運作。然而,看見多麼窩心的留言,又提醒了我,無聊隨心分享也有不少人喜歡看,亦的確在影響了不少人。

不少留言值得貼出來,當成是裝裱一下blog這裡相對冷清的氣氛吧,尤其並非每個人都會到youtube睇留言。

留言節錄(刪減後仍超長,慎入):

stanley so:早晨, 聽了約一年, 當作一個財自分享綜合頻道, 也不錯,輕輕鬆鬆,有故仔,有分析,有笑話,有最新潮流投資工具介紹等等!個人就覺得好合自已口味!努力,止凡,撐!💪

KC:止凡兄是個明白人,喜思考擁中產思路懂圓滑處事,打不痛、駡不倒;職場系列和真人真事見聞很好,喜歡聽思路分析,某些新聞題材也想聽聽但明白太敏感沒法子;繼續支持😃

Lung Yeung:止凡兄的話題其實很啱我口味,幾乎每一條片都會聽,其中最喜歡聽的當然是投資理財啦,收息系列更聽咗幾次,獲益良多。其他的生活見聞、生活哲學、職場人事、科學知識等話題都很有趣,很多都是我第一次聽到的,讓我大開眼界。

Celia Tsang:多謝止凡兄分享,基本上你的片我咩都聽,喜歡你輕鬆幽默道出問題,多角度思考。你是我閒時的消閒節目

H.c. Wong:我什麼都聽,當收音機聽。感覺聽得好舒服,感謝你。

jerry cheng:多謝止凡兄一直的分享,全部都有聽,甚至不時會重溫! 特別喜愛學習止凡兄對任何事的思路和人生價值觀!繼續支持😊

Mango Beanie:止凡兄每一條片我都有聽,有理財投資知識,亦有一些社會時事,或人生👀法,再加埋你變聲搞笑的描述,尤其每次說”collect skin” 我都笑出聲!亦非常喜歡看你的文章!感謝你無私的分享!

Chris Chan:我比較中意睇您嘅投資哲學同打工生涯系列,當然其他系列或小品都會睇晒。現今世代不倦學習同時又不吝分享嘅人買少見少,呢點亦係止凡值得欣賞同尊敬嘅地方。

Lok Hin Chan:我喜歡聽止凡的獨到見解、風趣幽默的演繹,除了可以學到財商,還被你的個人魅力所吸引

猫農:因為大家投資思維接近,所以我好喜歡聽你講所有投資既野,感覺好似有個師兄同自己分享討論,而我從你分享出來既野,當中學到唔少野

Loh Meifung:聽曬,內容非常豐富,最喜歡人生道理也可以apply落投資到,好有深度👍

Gmail Bonnie Cheng:主要喜歡你分享財商概念,事件不同角度分析;但其他如時間管理也喜歡的。你攪gag的我不太懂欣賞,不過沒所謂。雖然不是定期看,但見到未看的也盡量按來看,支持一下。加油!

Song Yong Kheng:听了半年几乎什么都听觉得有价值,听了你的分享让我觉得我自己本身也有改变,希望你可以继续坚持下去

Wai Wa Ao Ieong:投資初哥一開頭聽唔明,慢慢買齊一系列止凡書,就聽明少少👍🏻基本上咩片都睇!繼續加油💪🏻

Karen TANG:正如止凡兄所講,想聽吓你嘅分析 如財經  人生觀,又鐘意你有時嘅輕鬆幽默,我好貪心 樣樣都想知吓 了解多d學多d, 謝謝你的分享。🙏🥰

Lung Aloysius:全部都有聽呀。多謝止凡的心機,從片中學到好多野。

W一家人:我差唔多集集追。因覺得您很貼地。分享的經驗使我受益量多。最中意工作的分享,身邊實際事例和經濟環境分析。

Thomas Thomas:都聽左一段時間,一開始都係當打法下時間,後尾成為習慣,咩都聽下💪🏾
呢排遇到好多不順利,想聽下你有無遇到啲咩逆境,如何面對😞

Duncan Wong:止凡兄,我有興趣是你的投資相關題目,尤其是係價值投資concept /投資心態一類,聽完感覺心入面很平和,好似練習武力的內功一樣。加油,多謝你的分享

7Steve5691:喜欢看你分享你对投资理财上的个人见解,还有那些职场/生活上的小故事。看你的影片/文章都会学习到很多知识,原来还可以从这个角度去看一些事情。

M Lin:各類型都鐘意聽,就係鐘意你不花巧不造作真誠分享⋯

win:鍾意你講野中肯, 言之有物, 有故仔,有分析,有笑话,有投資工具介紹, 夠貼地, 又輕輕鬆鬆. 多謝止凡兄無私分享!

Wong Irene:我會同小朋友一齊聽,一齊接收平時吾識的資訊。謝謝你的分享

Snooker:你录制的片,内容广泛,而且把主题解释得非常清楚。只要有时间,我就会进来看。

梁培华:我是一个30岁的国内DIAO丝,我觉得止凡是实事求是的,看事物比较客观,可以给我带来有用的人生观念的人,继续支持!

Rasa KC:除咗一次講區塊鏈太悶之外 其他全部都聽曬 上嚟可以長知識 同埋聽到棟篤笑😘 不過我覺得聽工程界啲嘢最吸引

roy Fung:止凡兄,你好!你全部都鍾意聽,最喜歡係你的理財方法同心態,工程知識,同埋生活上的日事,好攪笑……!

Samuel Lau:鍾意止凡兄用攪笑方式講打工仔故事,老seafood、老細心態都好有共鳴、講你專業內行故仔例如”電王”都正!另外就係止凡用研究生角度分享的片,例如我 最深刻你講”石油”, “希特拉”, “風水九運”故事,好高質。又另外,你講自己資產分配多左環球市場又對我好有啟發!

SouthWater:很喜歡你的: - 財務心理學👍🏻, - 財經事件分析👍🏻, - 投資理論的實踐和分析👍🏻,- 工程事故分析👍🏻, 謝謝你無私的分享!

走進財自上半場:全部都聽,喜歡以輕鬆角度,正反觀看投資事物!間中夾雜不同故事,令我反思有得著,食飯時聽最佳伴物

Kap Ak:任何關於財經嘅野都想聽你分享,仲有下屬上司大鬥法都會追。👍🏻👍🏻

Emily Lai:本身自己鍾意分析, 不過對投資理財嘅知識同興趣都只係皮毛, 覺得好複雜。鍾意聽你對時事同投資理財方面嘅客觀分析, 同時又會加啲個人見解, 而且表達好清晰又淺白。

Leehsa Kam:基本上乜野都聽 近期重新再聽一次 在每日聽1-2個鐘的情況下 終於收倒更新通知
除財務知識外,希望可以多聽其他行業的情況、上司下屬系列、近期熱話

Ho Wingyee:可以講幫我了解更多財務知識,聽你又唔會太悶,有啲笑點,我經常聽完又聽去再了解多啲。我都大多數聽曬,因為有時係公司開住又唔洗睇住,好方便,不過YouTube 係隨機播,我支持你繼續講財經類,多謝你

Hok Cheong Au:止凡兄的財自話語同職場分享,十年後再聽都有用,所以好鍾意聽。

hkahshun:聽了大半年,主要學習你如何分析事情、睇法。

Penny Chiu:止凡兄,閣下的YouTube很廣泛,有關於財商,職場的事,林林總總很有趣。我比較喜歡聽睇商,職場,工程的事物,希望閣下斷續分享。謝謝。

Wong Stanley:基本只要係本尊嘅片都睇哂,當然主要想睇吓你對投資的睇法,次選打工仔故仔,當然間唔中攪吓笑都幾過癮😀

L J:我30出頭,都聽左止凡年半,最喜歡聽止凡講經濟、投資、時事、講番你以前曾經遇過 ge 難題 ge 野,但基本我每一集都會聽哂佢,只係我鐘意聽ge野我會重覆聽,多謝止凡,令我獲益良多!!

kit lei lee:你週時用唔同語氣講嘢好好笑,笑中學習,最喜歡聽有関人性😝

Kong Choi:第一次留言 純粹對你的貼地獨到表達有興趣 一開始是聽你的財經分析 之後只要內容是未聽過、有趣就會看 加油止凡

Hubert Hui:基本上全部止凡的片都會睇。問起的話,比較深刻的會係投資理念,生活/職場見解。可能都係受薪人仕又以財自為目標,聽落會有共鳴。好似朋友/師兄/前輩的分享。與其話想係到直接學到野,可能話係想聽下分享再引發自己思考。我期望止凡隨心講自己想講的野,有時聽到些生活小事的時候都會有親切感。謝謝止凡多年分享。

Dennis Leung:乜都聽. Always a big fan of you.

Tony Yuen:止凡 我比較鍾意聽你講關於價值投資同職場趣事 感謝您用心製片😍

PC:一開始係follow FB , 再睇你既書!因為你講既好多時係心法,比較適合初學者學習財商,除咗財務,都好鍾意你講其他topic, 你既一些人生體會/經驗,對我黎講都有反思,會引起我思考。所以希望你繼續呢個mode, 唔需要所有野財務,係一個香港人隨心所想。by the way, 我通常開左YouTube 老公一齊聽,佢勁鍾意你quote 周星馳,佢可以即刻話番比我知係出自邊套戲😝

Ngai Fung Wallace Wong:人生導師,感恩 😢🙇 我全部都睇

Alba Tross:止凡兄節目內容輕鬆有趣又多元化,大部份都有聽,較深刻有fact check系列,見解獨到;另外有請幾位不同背景嘉賓上黎研究下財經/加密幣資訊,幾有火花,有驚喜,會繼續支持🙏💪

Heyman Chan:支持,好多都有興趣,耐何未有養成聽十幾分鐘片既習慣,有時間唔洗專心做野既時候多數會開黎睇架:)

WING CHIU:多謝分享, 鍾意你講野中肯、言之有物、謙虛和夠貼地, 最重要是你youtube 沒有賣廣告, 全是真心分享, 喜歡聽的topic 是價值投資、時事(尤其外國與香港對比)和你請嘉賓分享, 我都是在這裡認識匯君、clavin 、鍾兄、Rexh & Sam, 他們亦是很有料又低調的人, 物以類聚, 繼續支持😊

KAM HUNG LUI:你的頻道我好快收看,內容充實有趣反映港人心態。我是你粉,繼續下去已可,柷生活愉快,身體健康。

光剎:全部都有聽,一開始係因為財商。但聽落其他話題越聽越有味。見聞都幾得意,我呢d小薯仔都想學下多角度思考,睇下大蛇點處理d問題。就算聽d嚴肅話題都唔會覺得悶,支持,加油! 雖然無買閣下的著作,但有去圖書館借晒黎睇,開始左睇書的習慣。多謝晒。

巴飛飛:止凡兄每條片我都有睇到尾,我很喜歡,學到嘢,又可以知道自己唔識的事,我本身鐘意聽你講投資理念,投資陷阱,你本人好風趣,而且識左你之後買左幾本你的書來看,正!易明,我覺得你似我的師兄,聽你講你嘅投資概念同信念,希望你多d分享如何快d財務自由,小妹努力學習中,支持你😊😊😊👍👍👍

MAGIC FAI:止凡兄 你差唔多每次出片 都會聽曬 喺你身上都學到嘢 繼續加油

Sophie FUNG:你講野好風趣,內容貼地又豐富,基本上你講咩topic 我有時間時就會聽,獲益良多。

MH C:個問題好難答,基本上出乜片我都有睇,有知識,有笑話,有故事,有經驗分享,有財經/時事話題,有直播,好多元化,幾好吖。

fung1997:最初係睇投資之後喺故事分享,鍾意睇你唔同角度睇一件事。

La Ma:喜歡聽你既聲線語調,對事情既講解角度分析都會吸引到我依D小薯仔,總之就係唔多唔少會學到野。感謝加支持!

Bruce Chan:謝謝止凡兄無私分享,內容包羅萬有,涉及理財,處世,家庭,專業,形上學,全都獲益不少。

Bethany Chan:一開始睇止凡係想增進財務知識,內容務實,又容易吸收 跟住見到你又會講下社會議題,對人生既睇法,又覺得幾有意思,欣賞你睇野既層次 你同你d blogger朋友都好有才華又謙虛,聽你哋係止凡會客室吹水好過癮,好想加入🤣 止凡講既野啟發思考,你又鍾意同網友交流,我幾鍾意呢啲互動

M Victoria:我當止凡係投資學習對象,可以豐富一下自己的財務知識。你拍嘅片有內容、有深度,但一啲都唔悶,輕輕鬆鬆又學到嘢。當然我亦係好欣賞止凡你的性格,好學、善良、謙虛,係我做人處世的一個好榜樣:)

Brian Wong:我想係當你為一個朋友, 比較多嘢發表個種KOL 型朋友, 係同齡接近的生活經歷個種, 所以咩topic 都會聽

Hay Ng:財自達人,當然係鍾意聽財自既分享。第二就係對其他blogger及名人既評論,例如之前講財叔,巴黎兄等。辦公室政治都好引人入性。風水角度都好聽。時事評論都好。白姐姐信箱都好。

Isaac Kong:止風兄講野都有深度。好好聽。聲音又好聽。講價值投資好有料。講生活逸事又好有趣味。有時又請吓嘉賓一齊講吓,夠曬多元化。好似一本多元化雜誌。呢個風格作風夠曬特別。點聽都唔悶。

Sam Leong:慶幸訂閱到你的頻道,讓我認識到價值投資,並透過閱讀你著作及同類書籍,學習正確的操作方法。此外亦非常欣賞你無私所分享多年來的職場經驗,讓我明白到自己所犯的錯誤,同時亦感謝你提供空間讓志同道合嘅人,在你嘅頻道上分享經驗,產生聯動作用。

HUGO TAM:止凡兄每段片起碼聽3次,最喜歡聽財自話語,其次是識時務者。建議增加近期較少分享香港時事及趣聞。

willutube:止凡兄,間間斷斷都睇咗你啲片一年幾,上星期去公共圖書館至知止凡兄已經有好幾本著作,失敬晒。第一件事,千祈唔好派冧把,無嘢包中,到時罵戰,負評就盞激心,嘔血。講下啲理性分析,人生,職場哲學幾好。呢段片一開始就講,其實止凡兄唔太在乎 view 數,最主要原因係人生生涯點唔同,其他 YouTuber 嗰啲係後生仔,youtube 係主業,或者一心係 sell course,平台嘅,咁更係好睇重啦。你唔駛嘛,止凡兄。

Tung Kwok:間中聽 你既內容貼地 鍾意聽下人生百態 故事 從中學習同反思 又或者知道人地考量 抽離返自己既思維

zzlessstudio:多謝止凡 係近大半年開始聽同睇你既書 呢個頻道學習同了解到投資方法同心路歷程係獲益良多 你對事情既睇法中肯既態度對我亦好有啟發 而且亦無吝嗇介紹其他財經達人分享心得 我好喜歡聽呢個頻道 希望你可以一直做落去 支持!

fung7890fung:我係睇星兄博文,之後睇到佢有連結有止凡,參考止凡兄既理財觀念從而借鏡,會睇你博文,開頻道後就有空來聽下,比較感興趣係財技分析解說,工程,價值觀 支持止凡兄你繼續隨便講,你既觀念已經可以比好多人借鏡學習

eva yiu:止凡你好,見到你個channel越來越多唔同話題,越來越吸引,我最鍾意聽輕鬆d同生活化嘅片,例如職場/做人道理/出賣朋友系列等等,仲有工程行業嘅事都有趣,我當止凡係朋友,睇你d 片就好似聽緊朋友分享咁,好親切,另外d深入淺出嘅財商話題都好聽,例如最新果條講複利嘅片,以前以為止凡係好正經嘅人,通過youtube認識到原來止凡都有攪笑嘅一面,加油呀,期待止凡 & friends嘅live

PatPat Pat:其實真係唔使諗到咁複雜架。覺得你風趣幽默。有陣時講啲無無謂謂嗰啲都會聽嫁。輕輕鬆鬆學到的知識,多謝曬。就算你分析時下嘅新聞亦都會好喜歡聽。因為好多時 newspaper 寫嗰啲好片面, 好似碌碌大法佢哋話咗嗰個操作, 但係你就加左好多個人意見非常之好。每日返工無無聊聊。聽下你分析任何嘢。。。 真係任何嘢 (topic)。。。也很好 thank you

George Mak:其實除左啲印度神怪嘢之外,乜都會睇,由期想聽多啲行業相關趣聞嘅題材,你個Channel 比較 timeless,幾時開番黎聽都ok,唔使需要追新聞熱度

april W:止凡多謝你, 睇你youtube channel 應有盡有我真係長知識🤗🤗

Colin Chan:我就起源於感興趣睇財自D topic 而留意到止凡兄D片。睇左幾集發現"哩條友幾得" 從你講野都聽得出水平也都高,有時一D 觀點都好當頭棒喝,唔似一D人咁吹牛,所以就一路有睇,想學多D野。 人係有盲點,所以更要多D 聽下人地講D 咩。同你開寫野拍片目的都一樣,交流下,被啟發下也都啟發下人地( 雖然我做CD ROM 比較多 XD)。 其實你講D TOPIC 我認為都足夠,但可以更平均D。 粗略分類,你會做投資原則,心理質素,辦公室/玄學/身邊人的投資或做人趣聞。除左講買股原則同心理素質,我認為你仲可以講多D 你操作過程同過程中的一D 心得同一D 切身趣事分享 (當然唔係話要教人點樣操作同俾NUMBER) 而係好似講下自己故事咁。 俾小小意見,或者你可以有多DD 鋪排,例如 今個星期做 3條片,星期一, 三, 五咁計,星期一做 財商原則主題。星期三做心理質素主題。星期五就趣聞。下星期一就講下操作技巧同故事咁。再星期三就搵匯君兄講下市況同分析。 希望咁樣你可以做到分享目的自爽,也都令聽眾較易跟到節奏,對邊個topic 感興趣都知道至少知道你來緊會做。而唔係都唔知你做唔做佢感興趣果個TOPIC,而等左幾個星期或者都沒講中聽眾岩聽的就可能被淡忘左。因為一般大眾都仲意有路可尋。

Sunny Tso:止凡兄係我心目中係一個才子. 我上youtube主要睇生活百科, 資訊性既片, 我覺得止凡兄觀點立場都比較中肯, 平時分享既生活見聞已經好有意思. 可以增廣見聞, 我覺得幾有價值.

mel hui:正因為你和我完全不同,因此一定要聽。

小老虎:止凡兄亦是修行人 大家同道,頻率相近,學習支持。

Thomas Cheung:止凡 如果講吸客,平時題材散,而多數題材唔專門/深入/juice,粘性稍低應該唔會吸到幾多客 如果講個人感覺,每星期一兩篇,內容比較輕輕鬆但有時會帶出少少有用資訊,可以聽啲用腦既人講啲唔係大路無謂既野我覺得唔錯

Elaine LAM:聽左止凡有大半年,基乎條條片一出就睇,或者會追返之前啲辦公室大鬧法之類既經驗分享片,主要係因為平時返工對電腦多過對人,自己又比較靜,生活圈子好少有前輩同我分享經驗/心得/睇法,所以想八卦,習慣返工會開住黎聽,咩都聽咁

Koby Wong:你拍嘅片咩都會聽下,尤其我自己都算有個專業又唔想打死一世工,所以聽下你嘅見聞同心態對我有幫助。

Chan Kura:你所有片我都有聽架! 我係個對投資零概念,又冇乜點儲錢既投資白癡。好多年前學人買細價股,又比基金人呃左錢後,就更抗拒接觸相關既野。直到今年年頭,因為某啲誘因的起心肝搞搞佢。而當時朋友就介紹左你既channel。 其實我抗拒買股票既其中一個原因係睇住啲財演,總覺得好唔靠譜。但你並唔係分享冧把,而係由最根本既mentality開始。最得意係其實有好多概念,同佛理都有啲異曲同工之妙。先發現投資原來係一門哲學同修心既過程。我最大既得著係,件事本身冇好定唔好,而係睇下自己點解讀同利用。而且你分享既野入面不乏基本知識,令我呢啲新手都唔覺好難消化。有時聽一次唔明就再聽多幾次。冇聽一排就再搵返已聽過既黎溫習下。因為你既分享好易明白,所以都忍唔住買左你既著作,真係獲益良多,希望可以逐啲逐啲睇晒佢! 其他系列我都全部聽晒😂尤其返放工果時。Live又好、股息又好、借貸概念又好、時間管理又好、上司下屬系列又好、真人真事分享又好、風水又好。除左好笑外,都好覺得你對人對事果種通透好值得學習。而家既世界好多野都非黑即白,但你對唔同事情既評論入面都可以搵到果份理性同冷靜,聽完後個人沉實好多。 Sorry段野有啲長。能夠聽到呢個channel 實在太好。非常感激你無私既分享🙇🏿‍♀️ P.S: 我都好鐘意聽匯君兄分析!希望之後Live都有佢啦~!

Rich DadR:止凡兄,多謝你多年來無私的分享~你的所有影片我都非常喜歡,關於財商和財務知識的分享極具啟發性,記得一年多前有一段關於“退休食老本”的影片令我深深地“叮”一聲,對退休開支計算的概念徹底改變,現在經常會分享給身邊朋友。另外,一些關於職場和一命二運的分享又好貼地,使自己人生處世的心態都得以調整。最後,很喜歡你時常用拋磚引玉的方式,引大家思考,比spoon feed更加深刻和更大啟發性。

Cas Chong:中意聽: 財商分享 個股分析示範 人生/工作經驗 PS 最最最好聽係講  "收皮啦!" :P

Karen TANG:最初聽你係聽財經分析,不過都會睇埋其他片,好似之前你講個朋友鐘意襯底給吸納,睇以往數據覺得底位底買就入貨。冇睇佢重有冇價值,應該換醒左d人睇嘢要睇多d  同做人一樣,有教育意義,👍😆

Brian Chan:聽咗一排,第一次留言。最初聽你評論風水佬,後來因為財自、價值投資、打工見聞而成為固定聽眾。鐘意你搞笑得來又分析獨到、一針見血。個人覺得你嘅節目好適合自己的價值觀,請繼續努力唔好方棄 YouTube!

Leung Axtue:基本上止凡一有新片,我都會聽,就係因為你的片範圍廣,咩都有,可以廣闊自己的見識,一個止凡頂得住好多個唔同的YouTuber  , 反而其他主力講股票分析的,我不是條條片都睇,因為實在有太多,而分析又真係冇絕對,點講都得,聽得多,我反而覺得更加亂,我估最主要係自己的獨立分析能力未到家,容易受影響,而止凡講的理財心態能以輕鬆的方式表達,相對容易吸收,支持!

cc100053:你好 我都聽左一段時間 一開頭係因為想學投資所以開始聽 慢慢自己財商 財務知識都增加左之後 就開始鐘意你睇野既角度 因為我思考方式都仲係好單一 有時候你對事物既多角度思考都能夠帶來一啲啟發 而且依家轉左搭交通工具 變左番放工都有一段長時間 所以每日番工都係睇你同麥加文有無新片出

Cheung Jacky:我每段片都會睇,最初係想學投資所以留意到你個頻道,不過最中意都係聽你分享下生活小故事,夠搞笑👍👍你把聲好好聽😂 不過叫人Like、留言、訂閱,我覺得唔係好hard sell。因為其他Youtuber 一定會講,習慣晒。可以係片頭輕輕講一講,因為一時真係會唔記得like😃

Choi Thomas:我 keep 住聽是想學理財,學做人。聽了再消化下,也啟發到我從新的角度看事情,以前想不通的,有些都想通了。當然想聽派number,目的係想知你心目中的優質股有哪些,自己再去看年報,分析,了解左先考慮去買,亦想知邊d 股票基本面出問題。有些例如量子力學,區塊鏈就太難了,因為自己唔係個科,聽唔明,冇聽晒。但大部份都聽幾次。最期待係你叫人收皮啦~~😂 最大得著係而家唔會亂買股票,而且學理財時知道自己學緊咩野,從看公司的角度看股票。 加油👍

yung pojin:止凡兄你好,之前都留過言唔知你記唔記得,我係主要睇你d投資以外既片,形容可以係有故事,會變聲,好笑,有道理,可以啟發第2或3既觀點睇發&思考既半個哲學家咁啦。順帶一提我印象中聽過最好笑個個topic好似跳老母群組果個

Tim Hui:我當你係「智慧老人」,現在基本上所有片都睇。最初當然係被你教財商嘅片給引入來。

NC:一開始聽係想聽投資既,慢慢聽你多角度諗下野都幾得意,宜家變咗leisure 聽多咩都聽下 Ps.你呢條片咁問都係咩都聽多,唔係點會聽呢條?

Nick Ng:止凡兄,涉獵不同題材先好,好過果啲不停俾number channel 多多聲

a mok:我們持續十年來讀你的博客,睇你的片,因為你是肯講真話的人,我不用計算你的動機和立場,不用計算得失。你想想連身邊朋友都未必句句真話,更遑論網上的財演,所以你這個channel 非常難能可貴。

Betty Cheng:止凡兄,我無意中認識你三個多月了。最深刻是你分享''移民你有無諗漏咗D乜…","換樓…….",一命二運三風水…等等。隨後我更在圖書館借閱你的作品。止凡兄,你的分享娓娓道來十分精彩!令我追看你的所有舊作。疫情期間,我收看不同YouTuber 的分享。目睹新人的收視颷升,他們都是標題取勝。但內容一般而已。純粹個人建議:1.止凡兄可將內容時間縮短,分上下集;2.聲音太温柔太舒服了!個人風格可突破少少;3.可提提大家按👍,我有時都會忘記按👍😅咖。4.建議間中利用Youtube的問卷形式,問下我哋鍾意聽你分享什麼內容(其實當中都是你想同我哋分享的😆😜)。你應該唔止咁少view數的。我的真心話說多了,請你多多包涵和見諒😺🙊!順祝你邁向十萬view 🥳

Connie Lau:當初好似係報紙睇到收息達人止凡,之後去左睇你個Blog,發覺你介紹價值投資理念可以好具體好貼地,再後來你做埋YouTuber,做野果陣會開黎聼,覺得好仲要逼埋另一半聼添。咩都會聼,除左投資理念,有時講下工程冷知識真係令業外人大開眼界,仲有講下風水野都好有趣,會繼續支持,希望你唔好灰,只要你繼續講我都會繼續聼。加油

Tea chung:最鐘意你講做人道理,你既角度真係有令我啟發。同埋講何謂價值投資,例如你講比特幣係咪價值投資,解釋下護城河之類,我以前覺得價值投資一定要睇好多資料年報之類,但你既角度解釋出黎會更易明白。而止煩兄你最令我印象深刻既係有一集你講人生關鍵點嗰集,講人生只要係緊要時,做啱幾個啱既決定,就可以得到好大改變,呢一集印象深刻到我而家都會成日同啲朋友講呢個話題,雖然道理好簡單,但內容真係值得深思同實行。令我對投資既角度,由似賭博式既投資,改變為以增值都主既投資方式。多謝止煩兄,今次第一次留言,一直做開CD rom唔好意思,知道你今次想知道聽意見,所以鼓起勇氣留言同埋藉此感謝!

Pocarier:如果關于股票,你嘅「價值」分析股票方法係有用,但要聽眾學左你個套再自己去分析就真係唔係個個做到,因大部份人要快同方便去自己決定,所以,好多衣家講股票嘅YouTubers包括外地,都偏向有個特定股票標題再加個人分享,咁就吸引較多view數同subscribe = 較受歡迎,如果單睇相關數據作結論,當然,每位YouTuber嘅定位,取向,性格,人生目標........等都會唔同,無得講對或錯,相信你自己都知。

Pat Pat:覺得係一個我識你而你唔識我嘅朋友,同朋友出街好多時都係有佢講我在聽,通常只加一句或小小對答同而家一樣,只是你不知( Who am I)🤣

stanley so:仲有不為名,不為利, 重無我分享,我口講我心, KOL界少有, 謝謝!

Lee Crystal:你像一扇窗戶,透過你分享,助我認識世界上各種事物。 又像一個大哥哥,那不溫不火的presentation 令我很容易聽入耳,也是我想學習的面對不同處境的態度。 我什麼也愛聽,海納百川,有容乃大, 不必把自己囚在一個小框框裡,也學習open自己。 請繼續做你自己,我相信各讀者喜愛的,是你的unique。

Y A:你唔離地, 你夠真情,愛唱歌, 你懂得欣赏朋友的優点, 如滙君兄和麥加文,識貨之智者,你唔作狀, 声缐自然再重聽幾次都很樂意, 有時你看似在乎频道数字反应, 正正証明你凡事不hea做, 你是個寧願教人捉魚都不寕送魚打發别人,這種種就是我認識的止凡兄, 你呀!

Roy LEE:5年前因想學買股票 就由朋友介紹睇到 您的blog,再由價值投資十二堂課一路睇晒所有投資著作,再然後跟手轉去 youtube,睇到依家,止凡對我黎講就係 人生導師!! 每個人的時間速率都不同,但呢五年 小弟由 職場新仔 投資盲毛成長至今,當中生活辛酸都係自己承受,但止凡的片 形式多樣 又具啟發性,不善辭令的我,只能講 真係好正!感恩 止凡多年一直無私分享,又不斷搞搞新意 搵埋一班朋友咁~~文字短片要貼地有貼地,要花火又有花生,要花生幽默🥜引人反思又有~~~ 真係勁! 謝謝

Wing Kai Lai:基本你條條片都會睇,投資類,生活時事類,風水命理印度神童,甚至罵爆伸手黨果d,最鍾意同一件事360度既角度你都會講,又做左好多資料收集整理,先免費分享比讀者聽眾,又唔會因為聽眾讀者而改變自己,做自己。都係果句,最鍾意你句“收皮啦”。

Michael Wai:我喜歡止凡是由、財自,股息、開始。(從一支股票製做一個月雙糧),我已做到,現在準備第二個月雙糧。 😂😁😁😁😁😁😁😁

Sharon Chan:本人上年開始學習投資,希望早日能夠達到財務自由。在芸芸Youtuber中,發覺你的投資系列內容既淺白又容易理解,在比較深concept之中,你往往在適當時插入適當的比喻,令一些投資初哥容易理解,所以你每個投資系列我都追聽,真是獲益良多,感謝你的無私奉獻。 其他內容中,亦有一些做人道理,時間管理、公司的內部爭鬥、科學知識、預言、風水學⋯⋯全部選題都十分有趣,陪過本人渡過不少日子。 近排跌市,更加喜歡聽你的心靈雞湯系列,在此本人得到一點點安慰,內心更是感謝! 十分喜歡止凡你的節目,一有出片本人第一時間追看,非常多謝你的既帶有知識亦非常有娛樂性的節目!

CHU CHU:其實睇左咁耐,暫時咩片都岩口味。但CLICK番去睇D片既VIEW數,直播果幾條片咁正,但VIEW數咁少,真係又幾奇怪。不如又開番個LIVE一齊探討下啦,唔好得自己一個人夢遺啦 lol

Jan LEUNG:其實我聽你個節目都係好似舊時啲人聽收音機, 解悶之餘又可以學少少野, 但要學的也不是可以學到, 你叫人買的正股或收息股, 在香港地有幾多個人可以買到或夠錢買, 儲到夠錢也未必有時間, 也未必抽得起個身去做. 另外, 係聽得出你係好用心去錄既, 一人分演兩角, 把聲就衰d, 但都唔太影響收聽的,始終我都係想聽吓個內容. 但你一人分演兩角或十角, 都只是加深左你自己個難度, 縱使你聲演一套十八樓c座都對增加聽眾會無乜幫助的, 反而你的不定時發片, 我諗係一個好致命傷, 如果唔係有習慣每日都去你個頻道走一走, 真係唔會留意到YOUTUBE 會把你的片特別推介給已訂閱的我., 有時幾天都没有片出, 有些人就唔會特別再去你的頻度CHECK 片.另外我係下載嚟聽的.......對你個ACCUMULATOR應該係唔會有幫助的,🙇‍♂️ 有幾多人睇真是要隨緣,水能載舟 亦能覆舟,呢個時勢人怕出名豬怕肥,而且一般平常人,邊有咁多野講,邊有咁多野分享呢?

毛虫以回覆率計錢。不reply,改用Edit Hongkong:會睇止凡因為唔似其他youtubers會暗中deleted留言、刪埋片又blocked人,豁然面對觀眾。有細心睇又覆留言(所以留言區資訊比片豐富d) 止凡做片冇引導人做買賣股票既決定,唔似其他kol 發放 #山埃 #地雷 最冇興趣睇:職場鬥法

Vica Fi:基本上你條條片都會睇嘅 (純粹真心fans先會咁做) 但我鍾意你做返以前focus做投資related嘅內容 記得你開channel之初好似都係話試下玩下咁 如果依加都係咁諗 咁唔駛追啲咩view數 hit rate咁辛苦啦 反而期待你儲埋儲埋出條講投資嘅勁片仲好(or blog post)  如果都想追hit rate嘅 可能要study下點做optimization 例如 定返個channel嘅theme? 聽聞出啲片太雜 youtube唔識recommend你啲片俾人睇 你出片再密都冇用 如果真係好多嘢想分享嘅 分channel都可能係一個option

Philip Mok:當你係乜啊?投資哲學隨緣有性格講師 凡事不應以別人有所求而為之。黎個舞台係您嘅,就睇您想做乜同為乜。舉例:如果您想要知音人,我相信佢哋,包括我,會聽完再聽,隔一排又聽完再睇。唔駛點做,願者上鈎。如果您想要view數,就睇大客群,相信您都會估到佢哋想要咩,斷估分兩個情況:1、大眾想要但您唔想俾,例如派霖巴、估巿昇跌、止賺蝕位、促住佢隻手買入賣出等。2、大眾唔要或唔想煩但您想講,例如價值投資係咩?跟住價值走係咩?取之有道又係點?您嘅方式比鐘記慳功夫:拍一條片,俾人不停loop、鐘記就用同一筆教材,同人花時間一齊loop,仲要教仔咁有問答(無上過佢堂,唔知係咪咁)。不過,佢有收學費,您無。您都想您嘅觀眾自己諗、自己搵答案。如用80/20 法則,20%嘅人佔全球80%資產,您就知點解好野仲係大多數人唔會識睇。唔知您有幾care幾多view數或subscribers,我估應該越多人係越好玩嘅,但係唔係因黎啲外在因素而改變自己立台嘅方向呢?您心中一定有個答案。隨波逐流?孤芳自賞?我當您黎條片係許源池,咁我會希望黎啲好野可以流芳百世囉,例如財自話語一定keep住啦,其實無咩片我覺得唔ok,就算工程野,聽下學下野都好。管他是大眾定少眾,投資黎家野,我個人應為心態最重緊要。

K TO:我當你係乜?明鏡 從中有啟發有领悟。影子 如隔空听老友講世事。開心果 止凡兄搞鬼有一手。指南針 我行我素有方向

Can Poon:其實聽止凡就因為估你唔到,睇到你不停brain storming諗新話題。仲有你比較温文爾雅,比較站在和聽眾同一高度去睇事情。有個對比,某個V字頭名字的youtuber,開好多班嗰個,講野好有宗氣,對自己好有自信,一開頭好似好有料,但後來發現佢嗰種高高在上帶恐嚇的語氣,好似教仔咁,並不是太舒服。另外一例子,最近睇幾個關於攝影頻道,一開始睇一個好有江湖地位嘅,佢的確好有料,但表達方式不是太舒服,比如講咗一種技巧,然後又賣關子,暗示你地聽眾末必夠水平理解。後來睇另一個,佢講野好斯文,介紹得好仔細,睇到佢真係好有料之餘仲希望分享俾其他人。可能有D人鍾意聽D串串貢不可一世嘅頻道,但並不是我杯茶。

Brain Pok:一直都有聽止凡youtube,講下自己別人故事,這個做法好,人生體驗及記錄都不同,你講說不一樣的世界,我本身圈子小,識到的人一定沒有止凡兄咁多,你令我們眼界大開,自己視為止凡兄偶像,只要選擇題目是合適自己當下心聲,不吞不快,想分享想記錄就可以了,我是一張白紙,一張投資失敗的26歲小孤兒

SUK KEUNG LEUNG:我只係覺得你說話速度太慢,這是我不喜的,我是急性的人,喜歡說話速度快的,省時間,亦發覺講嘢快的人腦子轉數也快。

twt wtw:止凡 我係一個大學學生 你可以話係我個啟蒙老師 你條條片我都有睇 有部分長片更加會一路打2k一路loop 我好多謝你教識我咁多野 相信你無法想象你的分享居然不知不覺中影響左咁多人 就如你之前所講一張白紙中間有個黑點 不應該只關注那個黑點 希望你再多多分享 加油努力 唔好比一些負皮友影響你 我會繼續支持你的

Tad Lau:記得五、六年前, 某D原因要入醫院住三日, 習慣一得閒就打機既自己, 突然空閒左三日唔知做咩野好, 入院前去左附近商場內某間小書店, 見到止凡的著作"積財有技", 睇左頭幾頁就顛覆左小弟一直以來既思維, 借錢原來唔係一件核突既事, 因為你, 做了第一次轉按, 買了第一隻股票(建行), 你係小弟在財務上的啟蒙老師,謝謝你! 止凡既片, 其實好適合一d不懂財務既人睇, 因為好諷刺, 香港作為國際(曾經?)金融城市, 大部分人都唔識管理自身財務. 影片有時過長, 但當中內容卻不能節省, 有點矛盾, 會唔會考慮分兩節, 令觀眾見到影片長度, 唔好即刻覺得自己會睇唔哂而放棄觀看呢? 睇了一半, 有興趣或有時間的觀眾應該會睇埋下半part. 另外, 個人認為, 止凡你的教學, 新手來說十分不錯, 但請別介意, 在投資市場有一定年資的人, 有可能會覺得某些影片內容耳熟能詳, 一看標題覺得自己已經知曉此知識, 便不欲觀看. (小弟的確是這種自以為事的人, 不竟上班已佔去每日一半時間...). 得閒搵埋blog友搞live, 可令支持止凡的聽眾學到更多財務知識. 止凡的頻道你超過5萬的訂閱人數, 證明你對聽眾有強大影響力, 期望你的影響力能影響更加多的人! 

相關影片:https://youtu.be/UyYXBCxQsxQ

31 則留言:

  1. 匿名7.9.21

    睇左止凡兄文章多年,近年有埋YouTube, 睇財經分析以外,更鐘意睇止凡兄生活職場等分析

    小讀者

    回覆刪除
    回覆
    1. 多謝支持,有冇開心share先?

      刪除
  2. 匿名7.9.21

    止凡你好,第一次留言。
    記得第一次睇你既blog是妹妹在fb share的一篇文章"遺產好安排" (check返原來是2013年了),當年我看了覺得真的是很好的遺產安排,我一定會與我的兄弟姊妹提議,興幸還未用到,爸媽還健在。
    自始我就定期看你的blog到現在,但不知我妹妹還有沒有看。這接近10個年頭我的投資技考看似沒什麼進步,但我感覺眼界不同了。
    到你開了youtube頻道,我真的很興奮,好像距離拉近了,其實與看你的文章差不多,只是變了聲音,有時會覺得看文章會好一點,文字重看好像方便一點,但都會聽你的youtube頻道。
    到了上年,我媽忽然問我有沒有聽止凡,我嚇了一跳,媽是不懂電腦的人,喜歡聽收音機,自從教識她用電話睇youtube就經常看,她對財經都有點興趣,買了多年股票,對我來說是高手,她說你的投資分析很好,應是在這行業多年,當時她還未知你工作是工程呢。我在想你開這youtube頻道真的很對,我媽不太懂文字的人也接觸到你。
    我想說是,你不用看其他人想你做什麼,做自己喜歡的自然有不同類形的人看,不要被youtube view數牽著走。
    CJ

    回覆刪除
    回覆
    1. 你應該指呢篇
      https://www.cpleung826.com/2013/08/blog-post_2188.html
      連你媽媽都睇我啲片,真係估唔到😅

      刪除
  3. 嘩,真係好多人留左言,加油!

    回覆刪除
    回覆
    1. 只係部分留言,啲氣氛濃過blog度好多

      刪除
  4. 謝謝止凡分享
    世界很急速要求有即時答案,如果youtube片係如何賺十倍回報,清倉避開世紀熊市等,通常好高收視,但相信不是你的Style
    投資是要慢慢沉澱,如Blog vs youtube分別,又或者看實體書,放慢一點腳步,不代表會過時

    回覆刪除
    回覆
    1. 係呀,跟價值走 好過 跟潮流走

      刪除
  5. 幾年前開始看你的Blog
    但在youtube上開始最印象深刻是你接受葳葳訪問,第一次見真人演繹,我翻看不少次,因為其中你提到接觸價值投資的原因和經過

    價值投資,就是要堅定不移

    你的channel最最最favourite應該係Howard Marks memo和倖存者偏差,翻看不少次,好多反思

    回覆刪除
    回覆
    1. 希望繼續拍到啲令人多次翻看嘅片啦

      刪除
  6. 其實講投資嘅片都有好多,所以競爭大。你亦唔係派number,大部分人都係想速食喇, 所以有啲人會轉台。你分享生活,工作,身邊朋友故事,我十分有興趣😁。 有時上班前聽下,精神為之一振。 亦十分欣賞止凡兄,努力閱讀回復每一個 comment。 不過有時回覆故作中立,有少少到喉唔到肺嘅感覺。

    回覆刪除
    回覆
    1. 故作中立,你指政治野?

      刪除
    2. 好多嘢,好似唔想得罪人

      刪除
    3. 第一,大家網上有緣相遇,有乜必要得罪人?
      而且,乜style都好,邊話可以唔得罪人?呢個style你都唔鍾意啦

      刪除
  7. 以個人習慣論,基本上生活也主以看youtube為主,自然也有訂閱止凡兄的頻道。

    不過相比止凡兄的頻道,我還是喜歡定時入來你的blog看或留言,因為YouTube的節奏太快了,有時看了止凡兄的資訊,我需大腦整理一下才回應。

    還記得,和止凡兄說過看你的blog如嘆繁忙中的一杯茶,這個習慣至今不變。

    今天是個資訊爆炸的世代,快食有時是種無奈的選擇,但慢活也是一種享受。

    回覆刪除
    回覆
    1. 繁忙中的一杯茶,喜歡這個形容

      刪除
  8. 我每條片都有聽, 除左投資, 職場鬥法都幾正, 最鍾意你玩埋配音

    回覆刪除
  9. 我還是很喜歡BLOG哈哈, 上班忙裡偷閒看看文章很方便。youtube對我來說反而要在特定有WIFI的地點才能看

    回覆刪除
    回覆
    1. 你兩樣都有睇?

      刪除
    2. 兩樣都有啊,不過比較喜歡看文字

      刪除
  10. 第一次在此留言,是先了書再來blog然後去聽YouTube, 在FB message 留言得到回覆,感覺到止凡兄是十分重視讀者網友的交流,感覺也在書上學到很多關於投資理財的知識,請繼續分享,我會繼續收看/收聽。

    回覆刪除
    回覆
    1. 多謝你支持,我都真係幾重視交流架

      刪除
  11. allie10.9.21

    YouTube 只要有新片我都會睇﹐因為可以一邊做家務一邊聽﹐最近開始睇blog﹐主要係喺公司忙裏偷閒時睇。
    就好似買HKTVmall係buy王維基一樣﹐睇子凡兄既片同文章係buy你既思路﹐理性清晰中肯﹐加上港式幽默﹐聽得好爽好有共嗚﹐仲可以學到好多野﹐包括人生同投資﹐自問身邊家人同朋友講既都未必可以咁有feel﹐所以係當子凡兄亦師亦友咁去聽同捧場。
    多謝你一直既分享﹗請繼續努力﹗我會繼續捧場﹗

    回覆刪除
    回覆
    1. 多謝你捧場,有人buy自己思路,感覺係好好既...

      刪除
  12. 我少睇你 YouTube 呀,無女坐鎮就睇 blog 算啦😂
    睇左你最近講複利條片,最深刻係每日跌1%既後果,一年已經化渣咁滯。我就唔貪心既,投資組合每日升0.1%就好心足。😂

    回覆刪除
    回覆
    1. 你應該講緊呢條片
      https://youtu.be/ojoUNhOO12g

      一日0.1%,年回報44%喎...嚇死人咩

      刪除
    2. 扣返d假期應該無咁多既

      刪除
    3. 哈哈,咁你做到未?

      刪除
    4. 做到,不過升幅不全因股票上升,有一部分係每月收入儲落去投資戶口,所以其實仲未畢業😂

      刪除
    5. 係大風雨中都依然回報理想,好好啦

      刪除

熱門文章