2021年5月29日星期六

全城熱話「打針送樓」抽獎

昨日一則新聞成為全城熱話,信和集團旗下黃廷方慈善基金有限公司及華人置業集團宣布推出「打針送樓」大抽獎,凡已接種疫苗的香港永久居民可於9月1日或之前登記,即有機會贏得觀塘「凱滙」價值1080萬元、實用面積449方呎的一房住宅單位。


消息擊活了多個沉睡的group,立即於多個group內瘋傳,獎品為過千萬樓,朋友間討論熱烈...「你打左未?」、「打啦,抽獎送樓喎」。

過千萬元,有如六合彩中獎。不過與朋友閒談,無聊想想實質操作,指要接受這個送贈,本身也需要有點財務要求。

首先,需要付稅項,一千萬樓買家印花稅為3.75%,即差不多40萬元。若中獎者本身有物業在手,稅率更達15%,即百多萬元。這代表中獎者要先拿出一百幾十萬現金出來才能接收這個「贈品」。

當然,即使手頭沒有這筆現金,可以向銀行抵押該物業造按揭吧,但這又來到中獎者本身的財務狀態,若是一位80歲窮婆婆,可以按出一百幾十萬現金付稅嗎?或者發展商給予"呼吸plan"?

後來看看細節,這個迷思被解開了。因為報導中,發展商表示會為中獎者負責繳交所有稅項開支,包括假若得獎者本身已持有物業,需要支付的15% DSD雙倍印花稅。

除稅項之外,還有其他問題的。該送贈的是凱滙單位,每實呎管理費為3.98元,以此推算,該449呎一房單位每月管理費約1787元。中獎者接收了就要開始付這管理費,若是一位深水埗拾紙皮婆婆,她未必有這個能力住進這個單位支付這些金額。

自住不一定會拿來自住吧,把它立即租出,可以利用租金支付管理費。當然可以,但新盤推出,租盤供應不少,是否成功出租呢?

立即把它賣掉,取回千萬,袋袋平安,又如何。首先一定不會有一千萬足額,業主於6個月內賣出需付20%賣家印花稅,這個稅發展商一定不會補貼,但至少也能取回數百萬元吧。

然而,發展商正在推售該樓盤,某程度上這個抽獎算是一個宣傳。很大機會,發展商會於該贈品加上一些限售條款,限定一個年期內不許轉售,又或者售價不能低於發展商的推盤售價,這代表中獎者於短期內售出單位的可能性不大。

再想想,中獎者本身可能是一位領取綜援人士,又或者是位破產人士,突如其來的資產,可能未必有正面結果。例如綜援被停止發放,資產被法庭沒收等。

若財務上有點能力者中獎,問題不大。這些有趣想法想帶出,其實個人財務需要好好管理,否則不單止自己走不出貧窮的「老鼠圈」,即使突然有獎品送到手上,亦可能好事變壞事。

相關影片:

https://www.patreon.com/posts/da-zhen-chou-lou-51964639


19 則留言:

  1. 搞笑咩,梗係會有安排九折收現金。

    回覆刪除
  2. 都是宣傳手法,何不用現金作獎賞呢?但點政府唔出個政策要打咗疫苗才可領5000元的消費劵呢?

    回覆刪除
    回覆
    1. 有簽卡現金獎,20個名額。
      另外,公帑同企業,兩回事。

      刪除
  3. 咁多如果.
    仲有如果本身有心臟病, 知道咗中獎後心臟承受唔到 ......
    可以打針其實對自己, 同對家人負責任, 抽唔抽獎, 有冇樓有冇機票係次要, 俾你有一億但你”中咗獎”嘅係covid而身亡, 咁又點?
    不過我贊成冇諗過打針嘅人唔好因為呢啲”小恩小惠”而打針, 我中獎機會大啲, 謝謝你哋

    回覆刪除
  4. 我身邊好多朋友未有這抽獎前其實都已打左針,有外國人,有香港人因為本身自己覺得有實際需要,若要常常出國的一群人,其他國家都要求有打疫苗証明,如果身體無特別大問題糖尿病,心臟病的話,其實打疫苗實際又無香港媒體渲染得咁恐怖,我全部朋友都無大問題,有朋友打科興有朋友打復必泰,我自己都打左第一針復必泰只是第一日針位手脾有些麻痺,有些累想瞓多些,想飲多些水外,基本上無其他特別感覺,外國以色列,美國等國家都己經有好多人打左,就算唔打可能都中病毒一樣有事,我有印度朋友得知印度疫情好嚴重,有個印度朋友同時間死左3個親人,另一個爸爸死左,媽媽都隨時無命,另外都有印度朋友都話不停收到在印度親朋的死信,佢地想打疫苗都無疫苗供應可以打到,連氧氣都唔夠要天價黑市買,香港是小數地方有足夠疫苗和有得選什麼疫苗打,好多香港人身在幸福中都不知,只懂批評和鬥,我日日在好多其他社交媒體見到d人日日鬧日日批評其實真係對抗疫無幫助。

    回覆刪除
    回覆
    1. 都算中肯,有興趣可以睇下呢條片
      https://youtu.be/_iUtsWXx2Rw

      刪除
    2. 匿名30.5.21

      目標曲線攻擊香港政府

      刪除
  5. 聽完個新聞,特意跟每個人傾談都講下,但反應都係跟有無樓都一樣
    感覺困局愈來愈難解,慶幸香港是個福地

    回覆刪除
    回覆
    1. 反應同"有無樓"一樣? 唔係太明

      刪除
  6. 嬴得六合彩頭獎既機率低於千萬分之一
    按現時最新香港打了兩針人數(約一百萬人),係一百萬人當中,假設所有已打兩針都是合資格抽獎者,都有百萬份之一機會。(打針人數9月前一定會不斷上升,但相信之後中獎機會也跟中六合彩2獎的機會差不多吧 - 前提係每位參加者都有相同機率比抽到 - 無內定/公平地抽)

    的確無財商再加本身家景貧窮既人中左獎未必係好事,未識動用非流動資產,轉變為錢生錢工具。

    呢個送樓操作背後有一個法律問題就係是否"送契樓",一般呢個情況銀行對送契樓會較為審慎,不知會否影響按揭,有層樓+極低息環境做樓按,識運用手上得來既資金,係一個唔錯既選擇。

    回覆刪除
    回覆
    1. 這個角度很有趣,多謝分享

      刪除
  7. 這是典型的“既然送得雞,唔該送埋豉油”的玩法,我的小朋友都有試過這種抱怨,之後我只講左句“既然令你咁煩惱,咁當我無講過。”就解決問題了。

    回覆刪除
  8. 匿名31.5.21

    送樓嘅impact係好大, 因為香港人死做爛做都係為咗層樓

    回覆刪除
  9. https://www.vaccinationluckydraw.hk/tc/index.html...得獎者領取終極大獎而涉及的任何香港印花稅、註冊費及律師費,及終極大獎的首年管理費將全數由抽獎活動之贊助單位支付。.... 你可能說那我還要俾管理費...? 那我會說主祝福你喇!

    回覆刪除

熱門文章