上網睇到有篇文章討論連登有個帖，題為《20歲連登仔炒幣 開50倍槓桿玩合約：10分鐘時間輸70萬身家》，近期契媽類股幣大跌，感覺都幾多這類新聞。
那個帖討論熱烈，網友留言多偏向同情，指事主年青，可重頭再來，其實這是重點嗎？
重點是 能否從錯誤中學習？若錢輸掉，但就沒有大徹大悟，可謂白輸。
這次出了什麼問題？
貪心？貪心未必有錯，亦是人類的原動力，華爾街/大富豪，多是貪心的。因為這次錯敗，下次就不再貪心，可能錯焦點。
反而重點在於風險控制，與對投資項目與操作工具的認知。買虛擬貨幣期貨合約，加以50倍槓桿，極度少看投資項目的風險波幅。若一路向上，爆升再爆升，自然賺到笑，一舖夠退休。如今爆跌，事前有否計算過自己的承擔能力呢？
只計upside，不計downside，超高槓桿令自己無險可守，其實操作得好蠢。如此操作，即使好彩的話，就算一舖贏一千幾百萬元，也不算投資吧，連投機也不如，只是賭博。其實連賭博也未必算是，賭徒對賭局規則都有一定了解，但我頗懷疑事主對他所投資的虛擬貨幣與其期貨合約有多少認識。
因為年青，就不怕輸，儲夠錢再來，其實無意思。但今天說多少也徒然，因為YOLO(you only live once)概念盛行，年青人寧可博盡，大輸一次，再來，再輸再來...，輸十次但贏一次就夠上岸，變連登股神。還在說什麼投資之道，穩健20年財務自由，鬼理你，笑鬼你。
匯君兄最新財經消息(見影片)，美國通脹升至4.2%，聯儲局加息壓力增加，息率令整個環境變化(可以看看影片了解關係)，年青人還「不睇路」(或不懂睇路)，這類新聞相信會越來越多。
Elon Musk點石成金，今天出個twitter推這隻幣，後天出個twitter推倒它，市場就跟著炒。他說入了，大升，你追買，之後他說走了，大跌，大家還在封他是神。此刻想到《寒戰》梁家輝對ICAC調查員說了一句：「你老闆...心地唔好呀」。
認同，風險管理十分重要，投資不用拉命博的呢！
回覆刪除好多人認為投資是博命...
刪除Elon係勁人，但大家將佢封神，再跟風炒，贏當然好，輸也不能怨人。
回覆刪除投資始終係個人決定，要隨風擺，又唔理風險，可怨誰？
反而Elon被指誇大autopilot的進度，這令我想到：有啲投資者一直認為睇CEO的Twitter,可更了解公司發展情況。如果CEO有心做假，投資者仲有冇保障？還是，社交網站，代表的只係個人意見，無從追究？
現實Ironman，無辦法
刪除現時Elon Musk 教徒甚多，教主說什麼都是對的
回覆刪除他的確有實力
刪除其實好多人, 尤其是以上岸,享受過去香港帶畀 你哋容易成功. 不經不覺做咗 老屎忽 ,廢老,自己都唔知。
回覆刪除在不停印銀紙嘅年代, 貧富差距，起跑線..... 我反而會同情佢哋點解會咁做， 點解唔會聽 一啲所謂上咗岸,扮專家嘅 老屎忽講自己當年點樣點樣攬住個水泡油落香港 咪仲慘過你, bili bala, 我反而會覺得佢哋想試咪試囉, 關人叉事.
試下無妨，重點是有野學到。
刪除只係，你唔願意向老屎忽請教，又實實在係笨囉！老屎忽總有某些原因上岸嘅！學嘢係要自己分析，世界無人會教你嘢！
刪除最驚你連癈佬都不如
刪除Elon Musk 出twitter 未必係有心想引人中伏，不過只係太多人願意上釣跟住炒。
回覆刪除賭仔心態每個時代都有，分別可能只係落注響不同地方，賭場到股市/債市再到虛擬貨幣。
有人響賭場賺左出黎，就個個都走去試，講到尾都係想唔駛點做就可以成功。
不過賭輸都唔緊要，輸左要認係自己決定，唔好又賴人迫佢地去賭就得。
或者，講者無心，聽者有意
刪除认同,止凡兄所说,
回覆刪除投资之前,不是想最好情况可以赚几多,
而是,最坏情况可以去到边度......
都係風險管理，求穩
刪除風險管理是一門學問，有冇運用好確是影響好大。
回覆刪除絕對是
刪除咁落去...希望唔好出現咩悲劇
回覆刪除但願如此
刪除係人都想一朝發達 但咁賭法真係唔抵可憐
回覆刪除最緊要輸完學到野
刪除我認為只以輸和贏作對錯的分辨不一定能看到事實的全部，試想如歷史選擇他押注的一邊，今天他或已被封神。
回覆刪除只要玩得投資呢個遊戲，很多時自己點分析都好，我們都像漁夫，有經驗點的最多大概知風暴幾時來，或躲或藏或小心點駕船，但都沒有絕對百分百可保平安，除非以後不出海。
這年輕人輸了錢還好，但既然出post證明內心也輸了，其實當炒輪輸左都係變廢紙，能吸收經驗，至於以後玩唔玩就看自己能力，明明只能在淺水區搵食結果仍要沖去深水區，當然回報可能更豐厚，但沒理由不知深水區多鯊魚的情況，想清楚再決定落唔落水，輸贏各安天命，玩得就要有敢輸的氣魄，就算勁如索羅斯都會輸過，當然人地總結後又能東山再起。
漁夫這個比喻很有趣
刪除亞馬遜CEO： 你的投資理念非常簡單，為什麼大家不直接複製你的做法呢？
回覆刪除巴菲特：因為沒有人願意慢慢變富。
的確知易行難。
巴老真的高智慧，有深度
刪除又換個角度講。
回覆刪除如果今鋪比佢買中左，少年股神加冕，跟住用咩陰陽燭、圖表分析，開班收徒吸水豬豬，前途嘛一片光明。
BTW，起碼唔係少年股神槓桿爆倉自殺，死後先知原來係paper trade account，而且算不幸中之大幸。
都幾樂觀🤭
刪除上得連登嘅都係最易比人呃嘅 on9 仔 死曱甴之類
回覆刪除