2021年5月14日星期五

10分鐘時間輸70萬身家

上網睇到有篇文章討論連登有個帖,題為《20歲連登仔炒幣 開50倍槓桿玩合約:10分鐘時間輸70萬身家》,近期契媽類股幣大跌,感覺都幾多這類新聞。


那個帖討論熱烈,網友留言多偏向同情,指事主年青,可重頭再來,其實這是重點嗎?

重點是 能否從錯誤中學習?若錢輸掉,但就沒有大徹大悟,可謂白輸。

這次出了什麼問題?

貪心?貪心未必有錯,亦是人類的原動力,華爾街/大富豪,多是貪心的。因為這次錯敗,下次就不再貪心,可能錯焦點。

反而重點在於風險控制,與對投資項目與操作工具的認知。買虛擬貨幣期貨合約,加以50倍槓桿,極度少看投資項目的風險波幅。若一路向上,爆升再爆升,自然賺到笑,一舖夠退休。如今爆跌,事前有否計算過自己的承擔能力呢?

只計upside,不計downside,超高槓桿令自己無險可守,其實操作得好蠢。如此操作,即使好彩的話,就算一舖贏一千幾百萬元,也不算投資吧,連投機也不如,只是賭博。其實連賭博也未必算是,賭徒對賭局規則都有一定了解,但我頗懷疑事主對他所投資的虛擬貨幣與其期貨合約有多少認識。

因為年青,就不怕輸,儲夠錢再來,其實無意思。但今天說多少也徒然,因為YOLO(you only live once)概念盛行,年青人寧可博盡,大輸一次,再來,再輸再來...,輸十次但贏一次就夠上岸,變連登股神。還在說什麼投資之道,穩健20年財務自由,鬼理你,笑鬼你。

匯君兄最新財經消息(見影片),美國通脹升至4.2%,聯儲局加息壓力增加,息率令整個環境變化(可以看看影片了解關係),年青人還「不睇路」(或不懂睇路),這類新聞相信會越來越多。

Elon Musk點石成金,今天出個twitter推這隻幣,後天出個twitter推倒它,市場就跟著炒。他說入了,大升,你追買,之後他說走了,大跌,大家還在封他是神。此刻想到《寒戰》梁家輝對ICAC調查員說了一句:「你老闆...心地唔好呀」。

文章連結:https://bit.ly/3eMwRWQ
推介影片:

27 則留言:

  1. 認同,風險管理十分重要,投資不用拉命博的呢!

    回覆刪除
    回覆
    1. 好多人認為投資是博命...

      刪除
  2. Elon係勁人,但大家將佢封神,再跟風炒,贏當然好,輸也不能怨人。
    投資始終係個人決定,要隨風擺,又唔理風險,可怨誰?
    反而Elon被指誇大autopilot的進度,這令我想到:有啲投資者一直認為睇CEO的Twitter,可更了解公司發展情況。如果CEO有心做假,投資者仲有冇保障?還是,社交網站,代表的只係個人意見,無從追究?

    回覆刪除
  3. 匿名15.5.21

    現時Elon Musk 教徒甚多,教主說什麼都是對的

    回覆刪除
  4. 其實好多人, 尤其是以上岸,享受過去香港帶畀 你哋容易成功. 不經不覺做咗 老屎忽 ,廢老,自己都唔知。
    在不停印銀紙嘅年代, 貧富差距,起跑線..... 我反而會同情佢哋點解會咁做, 點解唔會聽 一啲所謂上咗岸,扮專家嘅 老屎忽講自己當年點樣點樣攬住個水泡油落香港 咪仲慘過你, bili bala, 我反而會覺得佢哋想試咪試囉, 關人叉事.

    回覆刪除
    回覆
    1. 試下無妨,重點是有野學到。

      刪除
    2. 匿名15.5.21

      只係,你唔願意向老屎忽請教,又實實在係笨囉!老屎忽總有某些原因上岸嘅!學嘢係要自己分析,世界無人會教你嘢!

      刪除
    3. 最驚你連癈佬都不如

      刪除
  5. Elon Musk 出twitter 未必係有心想引人中伏,不過只係太多人願意上釣跟住炒。

    賭仔心態每個時代都有,分別可能只係落注響不同地方,賭場到股市/債市再到虛擬貨幣。
    有人響賭場賺左出黎,就個個都走去試,講到尾都係想唔駛點做就可以成功。

    不過賭輸都唔緊要,輸左要認係自己決定,唔好又賴人迫佢地去賭就得。

    回覆刪除
    回覆
    1. 或者,講者無心,聽者有意

      刪除
  6. 认同,止凡兄所说,
    投资之前,不是想最好情况可以赚几多,
    而是,最坏情况可以去到边度......

    回覆刪除
  7. 風險管理是一門學問,有冇運用好確是影響好大。

    回覆刪除
  8. 咁落去...希望唔好出現咩悲劇

    回覆刪除
  9. 係人都想一朝發達 但咁賭法真係唔抵可憐

    回覆刪除
  10. 我認為只以輸和贏作對錯的分辨不一定能看到事實的全部,試想如歷史選擇他押注的一邊,今天他或已被封神。

    只要玩得投資呢個遊戲,很多時自己點分析都好,我們都像漁夫,有經驗點的最多大概知風暴幾時來,或躲或藏或小心點駕船,但都沒有絕對百分百可保平安,除非以後不出海。

    這年輕人輸了錢還好,但既然出post證明內心也輸了,其實當炒輪輸左都係變廢紙,能吸收經驗,至於以後玩唔玩就看自己能力,明明只能在淺水區搵食結果仍要沖去深水區,當然回報可能更豐厚,但沒理由不知深水區多鯊魚的情況,想清楚再決定落唔落水,輸贏各安天命,玩得就要有敢輸的氣魄,就算勁如索羅斯都會輸過,當然人地總結後又能東山再起。

    回覆刪除
  11. 亞馬遜CEO: 你的投資理念非常簡單,為什麼大家不直接複製你的做法呢?
    巴菲特:因為沒有人願意慢慢變富。

    的確知易行難。

    回覆刪除
    回覆
    1. 巴老真的高智慧,有深度

      刪除
  12. 又換個角度講。

    如果今鋪比佢買中左,少年股神加冕,跟住用咩陰陽燭、圖表分析,開班收徒吸水豬豬,前途嘛一片光明。

    BTW,起碼唔係少年股神槓桿爆倉自殺,死後先知原來係paper trade account,而且算不幸中之大幸。

    回覆刪除
  13. 上得連登嘅都係最易比人呃嘅 on9 仔 死曱甴之類

    回覆刪除

熱門文章