無聊扮客問地舖價格

止凡同朋友想了解舖租市場現況, 扮租客問價。

荃灣一個轉角位地舖 (在McDonald隔離左右), 面積大約1000呎, 打電話去問一問價

「呢個舖月租幾多?」
經紀: 「38萬。」
嘩! 遲些起好行人天橋由南豐直接過如心廣場, 地舖人量會下降不少, 開價還進取到這個地步?

再問: 「如果買斷間舖要幾多錢呀?」
經紀: 「業主唔賣架喎。」

再追問一些資料: 「咁呢個舖位可唔可以做飲食呀?」
 經紀: 「你自己check下啦!」
 「份契無寫咩?」
  經紀: 「份契有寫呢d野架咩?!」

完全覺得呢個經紀一定是御用經紀, 不怕得罪租客, 反而覺得你運吉。

之後，再問另一邊, 一個地舖連樓上舖, 位置比較偏僻, 面積不大, 租金9萬蚊。隨即再問買斷要幾多錢, 心中有數, 如果開得月租9萬, 假設4%回報, 應該3000萬之內吧, 誰知一開價要到6000萬, 還說不過5000萬不要浪費時間。當然只是扮客了解市場, 那有幾千萬呢, 但經紀還說同一個業主還有幾個類似的舖位, 可以慢慢選擇。

不知道這個業主算不算是舖王, 只知道有一個這類舖位就夠退休之用了, 出個賣價如此之高代表他其實很喜歡手持這些舖位, 要他放賣除非有人出天價, 這實在立於不敗之地。他還有幾個實在是隱世富豪, 不知道香港地還有多少個這類富豪呢?

其實他們都是很早趕上了資產升值的快車, 還沒有上車的香港人就辛苦了, 香港回歸以來經濟增長了50%, 但低下層的人工反而減少了 (不計及這一年的最低工資因素), 這些香港人一起創造的經濟成果都去了富人手中, 苦了低下層。