2020年6月30日星期二

一個影響未婚夫的故事

網友把小弟的youtube channel分享給未婚夫看,觀察到他有明顯改變,忍不住pm告知我,我又忍不住把它分享出來。最後有一點置業問題,輕輕討論一下吧。


網友:

初認識未婚夫時便知道他為人認真,不單止男女關係上,連做事也很認真,單是多年來工作不會「遲到、早退、無故缺席」這一點已經很少人做到,試過一次在工作中受傷也強忍至放工才去醫院。

通常太認真的人都會有些缺點,例如固執、不變通、不喜歡變化、EQ/AQ頗低、主觀性強,我靠一己之力嘗試在他鑽牛角尖時開解他,初期頗見成效,但始終都有樽頸位。

直至有一天,我把你談「偷時間」那段youtube(見相關連結)分享給他,他便迷上了你的分享,似追劇般時刻聽。然後神奇的事發生了,他變得平和,能溝通,多一點聽,少一點說,更多了觀察別人,減少以自己一套去強逼人。他以前願意學習新事物都只因為陪我,現在他會主動找他覺得值得學習的人與事去學習。

我覺得不同年齡與性格的人,聽你的分享都會有得著,原因是你以故事說理,使不同水平的人都能易於理解,而且你即使「串」人也像是陳述事實,不帶嘲諷的感覺,使「疑似被串群體」不會太反感,否則也聽不入耳。這一點是你的特點。

分享之餘,想借機請教。現在是否有自住需要就可置業?我們早幾年已搬出來租住,這種情況下算是有自住需要嗎?(因為很多人都說有自住需要可考慮入市,租樓數年已夠比首期之類)。我當然知道你好少比投資建議,但我很希望你可以給我一點不同考慮的角度。現在可做九成,付首期及供樓也能負擔,然而很多投資比香港買樓有更高回報,這問題的確困擾我們,我們會獨立思考的,真心想請教你的意見,謝謝你。

後記:

收到這些pm,告知小弟的分享能幫到人,實在感恩。尤其喜歡的重點是這並非實際的幫助,不是推介甚麼冧巴讓何許人賺錢,始終我感到那太市儈,不太喜歡「我帶你發達!」這類感覺,銅臭味太濃。反而,隨心分享能影響或感染他人,令人變得無戾氣、積極樂觀,從性格、人生觀、情感上得到進步,這更令我感恩。

有關租與買的比較,其實我一向怕給予投資意見,尤其置業是人生大事,就人家的終身大事指指點點,萬一毀了他人一生,這個實在擔當不了,所以還是提出考慮角度好了。投資考慮以外,自置物業需考慮自己喜好,有些人特別喜歡安居,不喜歡當租客。

至於投資角度,租金支出與按揭利息支出比較之類,過往說過很多,最緊要計好數。買入前亦要預計樓市一旦大跌至負資產,心理與實質財務上是否穩當。考慮時盡量避免預測未來,而是作兩手準備,升又如何?跌又如何?任何情況都心安,就去吧。

文章連結:經濟通

15 則留言:

  1. 頭香~
    動之以情,說之以理是我最欣賞止凡兄的一點!加油

    喜歡學習操作,特別在大升市或大時代之時,更想學習更多知識。但與止同時,深知心態比技巧更重要, 真希望可以吸收更多。

    回覆刪除
  2. 呢位讀者係典型香港初學者的情況。

    1. 先求知後投資,樓又唔睇,書又唔睇,憑咩有底氣去買樓? 就憑止凡幫你背書? 佢可以幫你還息唔還本,定係讀者輸左,好似止凡某著作,止凡可以幫手債務重組?
    2. 其實可以睇下止凡某一條片,講層樓升左會點,跌左會點,調整好心態。
    3. 先洗幾舊水,請快活谷食個Tea,搭線搵埋R兄個FD傾利率,呢D先係做野嫁嘛~ :D

    回覆刪除
    回覆
    1. 行動派,好建議。

      你說哪一條片?有冇多少少內容?我可以找找link。

      刪除
    2. 取消香港關係法_股樓要散水?

      3分鐘開始講個FD 樓價跌同老婆仔傾會點。

      刪除
    3. 明白
      https://youtu.be/nasYBP1NX50

      刪除
  3. 第三😁 多謝止凡兄分享, 其實我覺得同一段片,喺唔同時間睇都有唔同嘅感受, 真係獲益良多。

    回覆刪除
    回覆
    1. 對呀,我也想拍這樣的片,不同時期都有啟發功能

      刪除
  4. 匿名1.7.20

    我也忍不住分亨告訴大家,止凡出過一系列書,好睇過YouTube。哈哈!! :D 自己友

    回覆刪除
  5. 肯慢慢改變的人的確是一件有益的事!

    回覆刪除
  6. 匿名3.7.20

    以下內容俾黃,唔藍又唔係反黃嘅人睇,藍同反黃嘅唔好阻人發達:
    移民就同炒股一樣,見升又諗呢諗路唔落注嘅,個市唔會等,升左就升左,升左先買就唯有買貴貨!
    問心鐘意外國制度嘅,而家仲諗咁多做乜?!聯合聲明簽左幾十年都無俾過啲咁嘅著數,仲唔趁而家走,等幾時?!
    尤其做公墓員同黑警嗰啲黃絲,貪份工個名興香咩,無人會保證年年加人工,而家凍薪,好難講會唔會減薪,月頭出左糧直接走啦,仲等咩?千祈唔好望返轉頭呀!大吉利是咩!打信賠錢走都嫌晒時間!
    仲有呀,走還走,一定要帶埋親朋戚友,盡快過去,搵工嘅早搵工都有著數!人地制度就係人愈多愈有say,唔好諗住自私自己走呀,拉埋親朋戚友同路人先最著數!隨時爭取埋難民福利,工都未必使打!
    趁而家嗰邊呼聲高就過去,唔通等反制又或者冷卻左先走咩,點知會唔會收返架!
    藍或反黃嗰啲講到呢度咁好咪由得佢地留係度囉,使乜理,鐘意外國就去外國,唔使理佢地!

    回覆刪除

熱門文章