2013年2月2日星期六

4萬炒到150萬

有報章報導, 80後打工仔5個月4萬炒到150萬, 然後被標籤為「股神」, 還訪問了投資及基金界的前輩給意見, 感覺是寫這篇報導的記者或編輯都非常嚮往這類成績, 希望香港人效法。


止凡一般都不會妒忌這類炒家, 亦不會羨慕, 通常我會擔心這類炒家的故事會教壞人, 令不少人仿傚, 所以問題是這是否真的致富之道呢?

報導中的主角亦有教路, 他認為最緊要做足功課, 每天看很多財經新聞資料及分析云云, 看似努力得不得了。我絕不是否定這些努力的成果, 只是要指出有些不是因果必然關係, 但可能被人看成是必然的。

身邊有些媽媽輩跟我討論這類炒賣行為, 一般都會話 xx如何厲害, 一個月賺 xx倍, 多數我都不以為然地回應。
 「六合彩期期都有人中啦」。
有時她們會話「咁又係...」。
但有時她們會話「唔係呀, xx真係好叻架, 上次又...」。

當討論還繼續落去, 我又會講一次「小人之心」言論。
「人好得意, 通常要威, 所以賺錢就講你知, 輸錢就唔出聲, 可能輸左好多次, 蝕左幾廿萬就唔出聲, 賺一次幾萬蚊就唱通街...」。
有時她們又會話「咁又係...」。
但有時她們會繼續話「唔係呀, xx真係成日都賺, 贏多過輸架, 上幾次都...」。

又當討論未停, 我會開始我的「算術科」。
「咁利害呀? 成日賺, 咁次次都賺咁多呀?」。
她們會話「係呀, 唔洗一個月, 買幾千就賺幾萬...」。
我會說「即係個個月都賺成十倍啦, 就當一年賺3轉, 而又唔計當年既本利和, 簡單咁一年當30倍回報, 之後就可以複利計下, 十年後就會多過美國債總量, 有成600萬億喎!」。
她們會話「即係乜呀?」
我會話「即係話你朋友, 一係身家應該有錢過世界首富或者李嘉誠, 一係就好彩囉。」
她們「.........」

當然, 這只是我的想法, 不少人會話「操作少資金跟大資金時不同」, 「回報時要看勢, 不是拿人家一個時期的回報率就用複利去想, 然後就否定」, 「不應該自己做不到就話人不能做到」。

說實話, 我對這類報導實在沒有太大感覺, 同時又不會影響我, 只是拋出另一個考慮角度讓大家可以深思一下。不過, 心知這個blog的影響力又怎能跟某報章比較呢? 而且看這個blog都大多已經有相對健全的投資理財概念, 所以還是祝香港人好運。

8 則留言:

  1. 匿名2.2.13

    35倍的回報!比圍色的派彩还要高呢!實力可能是有的,但彩数我想信佔90%以上!真的如此高質,下年應再報導一下他的成質,2倍都當佢嬴!

    回覆刪除
    回覆
    1. 對這樣的投資方法能否成功, 不予置評。

      刪除
  2. alex2.2.13

    我平時諗賺錢 比人讚你唔應該開心, 這是你應得, 因為輸錢時從來冇人會可憐你,只會講: 有得賺果陣又唔賺..以家咪輸清光囉~


    賺同輸只要用平常心一笑置之便可~~

    回覆刪除
    回覆
    1. 同意。

      頭一次賺得咁容易, 未必係好事。

      刪除
  3. 匿名3.2.13

    每次股市牛個時都有股神.仲要係少年.之後就.....
    依家又有啦~咁你明之後會點啦~=w=+

    香港是國際大賭場.有賭客係賭場贏大錢有咩出奇.仲好啦可以當廣告.
    但係.....又有幾多個賭仔可以收手.長賭又吾係輸番落去.從來可以係賭場囉錢走得兩種人.
    一係贏鋪勁之後收手既人.一係從來只係悶悶地贏細錢既人.
    呢d野笑下埋算囉wwwww

    怒人甲

    回覆刪除
    回覆
    1. 同意呀。

      咁樣宣揚開去只會更多人學。

      刪除
  4. 匿名3.2.13

    說真的, 4萬炒到 150萬其實不難做到 ^^", 但只是用5個月, 就是「有前無後」的打法。

    回覆刪除

熱門文章