2021年6月9日星期三

躺平主義vs財務自由

近期好多人談到躺平主義,因為一些內地百姓感到人生失去向上流的機會,倒不如躲在家中躺平,每天盡量甚麼也不幹,迫不得已之時才去幹點散工,賺點錢夠食夠住之後又再回家躺平。有網友討論,這樣無欲無求,是否財務自由呢?


吹水群組有人分享了一篇報導,指一名39歲失業日本漢,曾做過成人影片小演員,與及「炒散」和背包旅客,自從3年前失業後,他就未有再工作。3年無收入無儲蓄,仍能解決每天三餐一宿,他滿意零花費生活,不想工作。

他早前分享其零開支生活秘技,秘密是靠身上7部手機,它們都是用以前工作人工買回來的。原來日本不少餐廳和商店都會透過「儲積分換禮品」或「換領券」以吸引顧客,他每天都會用手機「簽到」、參與問卷調查或玩遊戲,賺取積分以換取免費食物和日用品。

住宿方面就靠朋友,長期到不同朋友家做家務換取住宿,類似做鐘點傭工。雖他自稱沒有工作,但這也算是間接工作吧。他又會留意信用卡的迎新禮遇,很多時都可獲得高級酒店的免費住宿。若用積分換到較高價值的物品時,便會轉售套現,以支付電話費和其他開支。

另一邊廂,吹水群組又有人分享了另一篇報導,是多年前一位叫「維園犀利哥」的露宿者,他從原本的中產生活,到露宿街頭十多年之久,沒有家,長期住在維多利亞公園裏。他自稱心靈感到富足,更會定期將自己被救助的錢,捐獻給其他窮人。

犀利哥以前讀書很好,化學系畢業,畢業後找了一份寫字樓的工作,算是中產人士,賺錢能力不低。但職場的壓力令他覺得壓抑,喘不過氣,對人生迷失,輾轉選擇了露宿之路。

面對時興命題「躺平主義」,一些網友反問,他們算不算是財務自由呢?只要不用工作亦能生活的話,豈不是公屋領綜援戶、露宿者,甚至坐監生活亦算得上是財務自由嗎?各人有自由選擇自由的生活方式,我不予置評,但換轉是我,就不會選擇這種生活,亦不會推廣,因為若人人都沒有上進心,整個社會甚至人類未來福址便出事了。

把這些生活方式說成是財務自由,有點錯重點,比如為,發達可以達至「打跛腳都唔洗憂」,但「被打跛腳」應該不是終極目標吧。利用躺平、黐飲黐食、瞓街、坐監去刪除財務負擔以達至財務自由,與透過財商控制收支以達至不用工作亦能過有質素的生活,實在是兩碼子事。那些故事並未有涉及任何「被動收入」與財商存在,只強調live below your mean實在本末倒置,曾於一篇文章已討論過,有興趣看看。

相關文章:https://www.cpleung826.com/2020/05/blog-post_10.html

文章連結:經濟通

推介影片:

48 則留言:

  1. blog換左排版呢

    回覆刪除
    回覆
    1. 都換左好耐lu,睇黎你無返黎睇好一段時間...

      刪除
    2. 正確應該係無click入黎好一段時間——我用RSS訂閱, 會自己擷取文章, 唔使click入來的

      刪除
    3. 忽然聯想到呢篇報道, 係咪都算躺平主義呢:
      https://inews.hket.com/article/2768091/【日本碎股黨】70歲老人依賴股東福利度日%20多年來活全靠贈品、優惠券

      刪除
    4. 唔click入黎都睇到?咁click rate會唔會唔計架呢?

      刪除
    5. 我猜, 會吧, 想像成第三方服務幫我先點進來一次, 擷取內容後再係另外SHOW出來

      刪除
    6. 瀏覽量呢啲野,都幾神秘...

      刪除
  2. 十分認同止凡的話呢!

    回覆刪除
  3. 躺平,等於放棄改善生活質素
    自給自足,心靈豐足,還好
    要靠朋友、好心人捐贈、商戶優惠,就是另一回事
    感覺像寄生蟲

    各人可選擇自己的人生
    大前提是別後悔

    我就不希望孩子長大後,做一條鹹魚,躺平過活
    所以我會努力做好榜樣,積極學習,做好身教

    回覆刪除
    回覆
    1. 積極人生更可取

      刪除
    2. 其實,夠唔夠使係相對!你可以用最少物質滿足生活,真係可以好自由!我試過冬天上山「修煉」,只帶早餐棒作生存食物,帶濾水器,玩跨山行。夜晚訓唔著開始冥想……有時太累,唔行囉,原地訓多日,盡量唔食野,或者食啲野菜野果……

      人生要追幾多錢先夠?返工唔通就只有錢?錢多重要,但人生唔係只有錢!心靈滿足其實都係一個「價值」!我好窮時習慣慳,就算近10幾年來搵到錢,都唔會特別去大使!心靈滿足令你唔使靠物質填補空虛感,其實慳唔少無謂花費!好似買名牌,你心靈滿足,先可以搵啲真正啱用實用嘅嘢去買,唔係睇名牌唔名牌,甚至因為咁去買名牌……

      刪除
    3. 冬天上山「修煉」?阿moon你係咪馬來西亞人?我有冇記錯?

      刪除
  4. 匿名10.6.21

    無收入,都可以食信用卡迎新...

    Ken Leung

    回覆刪除
  5. 不能混為一談,躺平只係有兢爭力者選擇不兢爭,可能間中打散工或做食蕉等低要求工作。唔代表財自。當然躺平者本身都要少欲少求,如做到犀利哥之極致,又心靈富足,就近佛了。。😂

    回覆刪除
    回覆
    1. 心靈富足,與躺不躺平關係不大吧

      刪除
    2. 如較易心靈滿足,過度兢爭去創造財富就變得多餘。

      刪除
    3. 這樣解讀...um,明明地

      刪除
  6. 財務自由是有財富支配選擇權的;
    躺平主義是用遷就的方式壓縮自己的生活只達基礎的生存境界;

    我有錢適當地花和沒錢所以我干脆不花,感覺是兩個不同意境。

    回覆刪除
    回覆
    1. 所以文章都指,有點錯重點吧

      刪除
    2. 我記得止凡兄很早之前文章中有人問過,個個都一早財務自由的話,對社會是不利的。

      對這觀念當時我也思考過,我的看法是不認同,因為財自的前題是,財自前,大家都在社會中拼搏過一段時間,再將累積的財富作適當的安排,為自己退休或轉型其他更有意義(但不一定最賺錢)的工作作財務上的安排,而過程中財富也會重投市場,為社會的資金需求帶來助力,而我們則收取一定合理報酬。

      但最近的躺平主義則完全是另一概念,我會這樣想,如果一個概念的成功至少可以完全靠自力更生(非靠啃老或靠社會福利維持),那他可能才有被重視的價值。

      躺平不是甚麽新穎的概念,早幾年也有一些人寧可全家收綜援,都不願打工,只是換了新名稱就突然變得高大上或流行,我知世上大多數人都有往上流的難度,每人亦有每人的際遇,有些人更是天生不幸,但我也見過有些老人家寧可執紙皮,也不願攤大手問政府攞錢,他們未必有足夠的財富或財商令自己生活更富足,但至少不求人及自力更生的心是令人可敬的。

      刪除
    3. 這題材幾好,又讓我們有機會反思人生

      刪除
  7. 是有一小撮人反映對社會的不滿,儘管你付出十分的努力,得不到應有的回報,社會太多貪腐不公義,有很多不勞而獲的人,這樣的行為只是無聲的抗議吧。

    回覆刪除
    回覆
    1. 此風不宜長

      刪除
    2. 此風會長,衹要不餓死,有網上,很多人不介意如此生活

      刪除
    3. 都係嫁,世界開始有啲似「25號宇宙」實驗中,人人有飯食但生活範圍受限制,年輕人開始無慾望化……有興趣自己睇吓有咩下場,你幾恐怖……😜

      刪除
    4. 此風政府當然唔會樂見
      風長唔長呢, 就睇傳媒宣傳同保障
      建議政府可以參考下瑞士既社會保障制度
      (借BLOGGER前輩 蝦餃大叔系觀察者網"蝦餃- 狗眼看世界"分享既資料)

      失業有失業保障, (當然工作期間要供款)
      可以領最後工資既70% (有封頂)
      按年齡可領400/550日,
      期間領失業保障金者要個個月搵工見工, 有KPI 要完成
      搵唔到呢, 就轉介你去上無用既就業班, 要乖乖地準時上完,
      再搵唔到就去指定機構做義工
      唔乖乖完成指示, 就未必可以領滿呢400/550日

      領完仲未搵到工
      弓起, 畢業了, 可以由領失業保障, 轉去領社會救濟
      更弓起, 你會成為萬眾觸目既人士
      你既名字會公佈俾全世界知
      成個社區都知你食緊大家既稅款
      佢地有足夠既動機去監督你的消費水平同"鼓勵你去搵工"

      --Dogdogchi

      刪除
    5. 唔係個個國家有咁好福利

      刪除
    6. 謝謝moon,google看了25號宇宙,開了眼界

      刪除
    7. 看完25號宇宙,加上其他,一點随想:
      https://duncaninvest.blogspot.com/2021/06/howardmarksmemo.html

      刪除
  8. 生物界都有「躺平」概念,環境不利時與其硬碰不如龜息,待環境轉好再展拳腳。我覺得與其一句「爛泥扶唔上柄」批判不如體諒下。

    回覆刪除
    回覆
    1. 爛泥係攞綜援個班,呢啲又無咩,只係唔願再跟世俗遊戲規則玩啫……咁佢覺得無問題唔係辛苦唔會怨,都係一種生存方式。

      刪除
    2. 咁攞綜援既人入面,好多都真係有需要既

      刪除
  9. 匿名11.6.21

    生活上各有各精彩,我有個波友,原先做小巴司機,後來身體要做通波仔,需要排期接近壹年,此段期間,申請失業救濟金及公屋津貼幫助生計,早排做完手術,可能過慣悠閒生活(單身每天都瞓到中午才起身),又不想再出外工作,身邊朋友們,推動他努力重出江湖,但左推右耍,真被他氣死!自己友

    回覆刪除
    回覆
    1. 可能慣左,搞懶左個人

      刪除
  10. 躺平? 即係日本既草食男?
    係一個社會富足既體現, 出現系中國大陸都側面反映出國家既經濟幾唔錯

    以財務角度去睇, 咁只係壓低佐財務自由既門檻(我個朋友計過自己慳到100萬夠退休?!), 唔代表財務自由 - 手停口停或者外界停止資助(不論政府家人朋友定商業機構優惠)即時餓死, 唔符合財務自由以被動收入能讓自己過好生活既定義

    --Dogdogchi

    回覆刪除
    回覆
    1. 問題係,咩叫好好生活?人人唔同。

      刪除
    2. 至少有食有住 - 祈禱自己唔好病
      用返我個FD, 住公屋, 租加水電媒2K, 食帶飯永無出街食, 當2-30蚊兩餐
      3K一個月
      咁計O米1M夠搣2-30年 (1M 買公司債多過3%回報都夠, 其實都可以叫財自, 不過佢要慢慢搣XD)
      之後唔知佢諗住食老綜定死得

      --Dogdogchi

      刪除
    3. 真係人人對心目中既理想生活準則都好唔同

      刪除
  11. 凡止12.6.21

    坐監使人生更精彩,比財自更佳喎。

    回覆刪除
  12. 我諗財自未必有嚴格既定義,但唔應該膚淺地理解為「沒有一份正式工作也可以過生活的狀態」,文中個位39歲日本漢明顯唔算,因為佢要做個一系列既工作(e.g.填問卷,換禮品及做家務etc)先可以過活,而佢明顯冇得揀唔做。

    回覆刪除
    回覆
    1. 無錯呀,選擇權係一個重點

      刪除
    2. 有得揀先至係老闆😂

      刪除
  13. 謝謝止凡分享,多角度思考

    回覆刪除

熱門文章