2013年1月10日星期四

何不效法大企業

匯控要出售平保, 今次好像不成功, 但不成功更好, 因為平保的股價一直在升, 之前交易的作價比現在股價低很多, 取消交易更有著數。況且匯控好像是在平保上市時買入, 當時的股價比起現在實在平得很, 實在大賺無留手。


平日止凡都有留意一些大企業買賣東西, 可能是收購合併, 又可能是買入IPO, 又可能要錢應急所以要賣資產。無論如何, 買入賣出的決定都非常認真, 絕對不會估估下, 相信內部更有很多職員負責分析、報告、開會, 一個決定背後可能花上多個月的工作也不為過。

絕大部份這類決定都有合理的理由, 例如等錢用、某公司前景明朗、收購公司有協同效應等, 而很少聽到一些相對不合理的理由。何為相對不合理的理由呢? 很多散戶及財演都會用的很多理由, 例如沽出後等待大跌市、技術分析突頂位、跌破平均線、追捧當炒股等等。

大企業的買賣行為很多時都會比較中長線, 決定審慎, 而且獲利甚豐。說到這裡, 相信不少讀者都能察覺大企業的買賣行為跟散戶的分別, 以及結果的分別, 而這些分別, 實在值得大家深思。

2 則留言:

  1. 止凡師兄:

    其實呢個reply唔係好關你個post事,但有問題想請教下又唔知點搵你唯有係呢到comment,希望唔好介意.

    其實我仲有半年就畢業, 依家放假就想學點投資理財,都問左好多人但想聽多d建議,有少少問題想請教下.

    其實我不斷係圖書館借書睇,一開始真係好辛苦.可能我本身major唔係business個邊,書入面的term好多都唔明而個d書通常都比較學術化, 同埋d書成日話估值估值揾間好公司,但具體點做真係唔知.請問你當時點樣由冇到有咁去學去投資.

    我上年六月開始月供2800, 不過依家儲蓄差唔多冇曬停左,依家留意緊市面上的實物ETF,例如黃金, 中國地區等,諗住第時返工再供.

    基金我暫時唔係好想供,始終覺得手續費貴.

    有冇建議可以俾我d新手:)

    btw,止凡兄你係唔係做土木工程啊,我睇返你d post你好似係工地做嘢. 我依家都有offer la 話唔定遲d會見到你 哈哈

    祝工作順利

    Peter

    回覆刪除
    回覆
    1. 看到你的問題, 有時間開個新post答你。
      另外, 我係工程, 但唔係土木工程。

      刪除

熱門文章