2020年7月29日 星期三

我要食飯!

聽聞影展的照片要勝出,本身不一定與照片中的美感太有關連,照片中背後的意境更為重要。今天是全日禁堂食的第一天,午飯時分遇正大雨,網上傳來兩張照片,感概萬分,加入背後故事應可參展。



這一張,題為「我要食飯!」



第二張,題為「食飯。我要!」


照片背景:

政府曾推出下午六時後禁堂食,翌日網上洗版,恥笑政府低智地認為病毒於六時前與後是兩個樣。如今政府真的全日禁堂食,全城驚覺問題出現了,未知政府與市民能否預視?

由於疫情,一些國家早已實施禁足令,全國國民留在家中,操作上反而更好。反觀香港,工作依然,不少打工仔不能在家工作,又不是坐寫字樓,沒有固定工作位置(例如地盤工、清潔工),禁堂食後能到哪裡用膳呢?

同時,公眾地方(室內與室外)都必須帶口罩,即使吸煙也不能豁免,記者問政務司怎處理,他竟叫人到效野公園食飯。若市區返工,45分鐘食飯時間(這些個案多的是),怎辦?唯有選擇路邊、後樓梯、巴士總站...

這群打工仔食飯意志相當強,因為他們冒違法風險也要食完盒飯,包括:
1. 公眾地方無帶上口罩(食飯好似獲豁免)
2. 公眾地方行為不檢/影響市容(隨街坐在地上食飯本身都有問題)
3. 限聚令(超過兩個人有共同目的...食飯)


後記:

這讓我想起兩個情節,第一個是電影《五億探長雷洛傳》中,別人問雷洛(劉德華飾)到底為了什麼要當差,他說:「為了食飯!」

第二是黃子華說:「香港的草地多不準踐踏。你想在草地上玩嗎?你懂"草上飛"嗎?」

何解落得這田地?不同人心中各有答案。無論如何,最終得出這個畫面,終將成為歷史一幕,日子不好過,咬緊牙關,苦中作樂。

39 則留言:

  1. 其實要恥笑一項施政很容易,如果現實有10個解決選項,每一項都可以恥笑批評,但大家能用另一正面角廀,共同尋找解決方案嗎?

    回覆刪除
    回覆
    1. 看不到有恥笑之意, 寫的都是鐵一般的事實; 再者, 他不就說了可以參考外國實施禁足令? 有正面的提供解決方案啊!

      刪除
    2. 是我寫得不清楚,我不是説止凡,因為我看到網上一面倒批評,所以有一些感嘆,止凡的兩張照片是我們的寫照,謝謝分享

      刪除
    3. 我也明白Link仔的意思,在說網上批評現象吧。

      刪除
    4. 但我地個政府施政真係好垃圾,頭痛(人多易感染),就開頭痛藥(唔比食肆堂食),跟住食完藥好眼訓(無地方食飯),於是開提神飲品(開放社區中心比食飯),然後又因捱夜頭痛(人多易感染)。

      而家係唔係理財新哲學、管理新思維,就可以堅尼地城?
      究竟係真專業管理定係無料扮四條管理。

      To be or not to be, that is good question.

      刪除
    5. 其實將心比己,批評恥笑無建設當然係好過份,但而家係去到黃綠醫生亂開藥醫病人,病人被玩死下,只可以批評訴下苦,唔通病人識醫自己咩。

      刪除
    6. 大家能用另一正面角度共同尋找解決方案,政府會聽咩?
      另外政府高官不是免費為人民服務的,每月6位數既收入是大眾市民既錢,坐得呢個位佢地有責任解問題,不是市民幫佢諗計再等佢實行,如以這邏輯講波佬球本身球技差就不可以批評踢得唔好既球員,病人唔識學術就唔可以批評黃綠醫生?

      刪除
    7. d人明知痠情嚴重, 又要船P, 又要遊行, 又要初選, 病左又周圍去, 跟住又賴政府, 政府又唔驗晒外地黎香港既人, 其實個個都有問題又自私, 但係只係話人地錯, 香港人真係搞笑

      刪除
    8. 好哋哋香港本身已經無哂本地感染
      偏偏一堆有病毒嘅人免檢役亂走
      然後就爆發,誰是誰非已經好明顯

      刪除
    9. 香港人唔自律本身又係一個問題!所以我支持宵禁,長痛不如短痛!政府赤字緊再拖遲早破產!

      刪除
  2. 今日見到好多人
    在公園食食吓飯, 落大雨, 慌忙躲避
    在香港, 食餐安樂茶飯都好難

    如果仿效外國, 實施禁足令, 但又未能像外國提供金錢資助
    市民的生活, 只有更苦

    回覆刪除
    回覆
    1. 金錢資助的錢從何而來,是否有可持續性?

      我認為要解決香港現在疫情的問題,只能學習和求助內地全民檢測,方艙醫院,分區嚴控,就能像內地這樣恢復正常經濟生活。現在的措施不倫不類,如添油戰術,最終對經濟和市民健康的傷害更大。

      刪除
    2. 短期資助不可能需要考慮可持續性,否則全民也不用工作了吧。

      刪除
    3. 用翻你提出的一點,錢從何來?
      是否有可持續性?
      花錢起了方x醫院、x神醫院,花錢全民撿測,再花錢醫好病人,然後呢? 再“胡亂”豁免,再多點不明原因爆發,再花錢全民撿疫,再...無限loop,持續性到府房乾塘或全民免疫或全民注射疫苗這樣嗎?

      害工友連食飯都冇位的,真的是大判嗎?大判要整理一個足夠安全的食飯空間都冇可能1~2日能弄出來嗎?大判有責任為這個所謂的政策買單嗎?到底是誰讓香政府要做出這種急迫的做法?
      不在源頭解決問題,只簡單的頭痛醫頭,腳痛醫腳又或者只解決提出問題的人,就真的有用嗎?
      只暫恢復正常的“經濟生活”,這又昰哪一種添油戰術啊?
      有智者能明示一下不?
      謝絶筆戰及人身攻擊(污染止凡的blog)

      刪除
    4. 其實個問題係好複雜,如果實行呢種震撼療法,對政府管治有咩著數? 而家養病自重,政府高層戰時不易帥,保住個官位。

      押後選舉建制派保議席,大家都開心。

      又可以借肺炎搞到D人唔敢出街示威,維持穩定。

      反之,實行震撼療法,封城14日,國際間會認為事態嚴重,被定性為疫埠,股市跌,上唔到市,融唔到資,到時點同中央交待?

      站係高官角度,反正都爛開,不如爛到底,保住自身利益先,人民利益不是高官利益,比我都係踢下郁下。

      只要高官利益同大部份香港人民利益不一致,乜野最佳方案都唔會採納。我早已心死。

      刪除
    5. 現在內地絕大部分地區已恢復正常生活,不存在所謂無限loop ,值得本港學習。內地的源頭控制,也是本港需要學習的重要方面。

      泛政治化的臆想,對解決疫情沒有幫助,不用多談。

      刪除
    6. 傻貓 你講得啱!禁足唔禁都係要洗錢,都係大鑊,但禁足就有機會斷尾,依家咁就成日唔斷尾!當然一禁足可能會好似美國咁亂,但宵禁咗就可以出解放軍!問題係,香港政府太無能,怕嘢樣個樣!你點攪都死嫁啦,禁足最緊要保障人人有飯食,佢唔食佢嘅事!

      刪除
  3. 幽默的您~止凡 🤩依然為困苦的日子 帶點緩衝~其實都一直擔心您同一眾blog友的生活或工作會否受很大影響,結果未問就看到這篇 食飯我要😂正

    回覆刪除
  4. 靠呢個政府食飯?屎就有得食。

    回覆刪除
  5. 匿名30.7.20

    爛牌有爛牌打法,香港人加油!自己友

    回覆刪除
    回覆
    1. 又幾樂觀喎

      刪除
    2. 係嫁!付出唔代表有收獲,但你唔願意付出,絕對無收穫。

      刪除
  6. ,你是做工程的,感受會大啲。

    回覆刪除
    回覆
    1. 除地盤工,其實還有很多打工仔都不方便,例如送貨員。

      刪除
    2. 係嫁!好似行街(批發營業員)!不過我朋友就話遲少少出街早少少留公司食埋先走。我都係地盤工作,但就起貨所以寫字樓已經搬入密室(機房),4人一張枱!所以平時出面食唔帶飯!不過成件事最感慨係香港人已經捱唔到苦!我仲係學徒仔時一樣要同落石屎嘅工友一齊留響工地裡面食,對住啲石屎,石屎係會放熱,又晒(因為你落石屎起緊間屋又點會有屋呢),一路食一路加調味料(滴汗)!咁瘟疫嘛忍一忍都唔得?都一早放晒風嫁啦,我都買定保暖壺帶飯,咁男人都可以睇YouTube 搵下保温杯悶燒食譜早一晚備料朝早煮滾就放入去,咁就可以留地盤食唔使走去食市(因為通常起緊嘅屋苑四周圍都係荒野,要行去食飯要時間!)咁洗廁所工友其實好多都係自已帶飯,呢單野之前有無人關心過佢哋!?香港,一定執,獅子山只係上一輩嘅事!

      刪除
    3. 我都覺得在疫症過度期是需要大家忍耐一下嘅!
      而家啲政府官員講嘢又不得體,又不果斷...
      唉!

      刪除
  7. 其實,真正英明的精英往往是萬中無一的獨裁者。
    可惜,香港的制度無法產生如此領袖!

    回覆刪除
    回覆
    1. 講食飯,談到獨裁者...

      刪除
  8. 實相: 傳媒經常故意用引導性問題問受訪者.
    我自己曾經被訪三次, 記者問十個問題有一半係故意引導我說出佢心目中既答案去批評同責罵政府.

    回覆刪除
  9. 影響香港最嚴重的居住問題:
    香港人一方面羨慕新加坡人可以有便宜的組屋,大一倍的居住面積。
    另一方面又堅定的阻止政府開發土地。
    香港有七成的未開發郊野土地,1%已經是1000公頃,差不多是一個明日大嶼,即每十年1%的土地便可以大幅改善現在的土地使用、房屋供應和居住質素。
    3%的土地可以用到2047年。
    可是很大部分的香港人都選擇一毛不拔,劃地為牢。
    誓死要政府首先用盡棕地,才可以打郊野土地的主意。
    毫不理會現實,已經經過那麼多人的努力,那麼多的專家研究分析,政府在未來十年都不可能解決得到。
    一面痛苦呻吟,一面罵政府,一面繼續阻止政府開發土地去改善問題。
    是否思維被人引導了去自殘而不自知呢?
    FLMY

    回覆刪除
    回覆
    1. 現象都幾可惜...

      刪除
    2. 政府話要開發會開發唔到咩?
      佢唔想開發姐
      你仲未睇清依個政府

      刪除
    3. 已經有很多業內的專家做了不少的研究和分析,不妨去找些來看看。
      如果真如你所說,政府要開發就可以開發得到,相信已經有一部分的郊野土地被開發了。

      刪除
    4. FLMY 你又要明點解要有郊野公園區係因為就水塘!一來怕污染(地下渠其實總會滲污水), 二來無森林就留唔住雨雲!咁無晒森林香港就無水源(蒸騰作用樹葉蒸發水蒸氣上天)!反而,點解唔同大陸借?咩桂山島,先發展做退休村,攪好交通再發展旅遊同大型公屋咪好囉,係要日日大叫「本土本土」,當年新界都係英國佬借大陸用啫!

      刪除
    5. 香港的未開發郊野土地佔全港七成,其中屬於郊野公園的部分佔全港土地四成。
      其中只有少部分是水塘集水區,也不一定是在郊野公園範圍內。
      香港的郊野公園並非因為水塘而劃設的。
      香港的水源要靠香港留下森林?你不是開玩笑吧。
      香港都有好多離島,明明自己有地唔用,卻要向大陸借地,就算大陸願借,咪一樣會有咁多人反對。

      刪除
  10. 親這個時候用疫情推政策最好, 比如1.房屋'土地'郊野公園法案--其實人口密度高導致疫情難以避免, 最好收地起屋長遠解決根源問題;2.動用所有儲備請美英為所有港人檢疫, 再取消所有有第二國籍人士(包括中國籍)在港居留權利, 所有在港港人登記成為新新香港人, 將非新新港人送入隔離營或回國...哈哈以上政策是小弟愚見. 但以政府最近表現, 這些值得一試^_^

    回覆刪除