2021年1月23日星期六

35歲就中年危機?

報章看見一個圖片小故事,大家可以按圖睇睇。


看了,有幾個感想。

1. 個情況都好真實,完全明白其感受。「攬野做」,甚至「鬥夜走」,經常聽聞,入世後,大概明白所為何事。

2. 這算是中年危機的情況,但始終只是圍繞在工作上,還未涉及其他生活上的問題,例如家庭,一個養八個,老人家長期病/失去自身照顧能力之類,所以這未完全是中年危機最可怕之時,大家可以回顧以下幾篇文章。

中年危機 投資未必為發達

你feel到中年危機未?

中年危機並不如此簡單

3. 留意到事主只是35歲,還未到40歲。若120歲命的話,中年應該是60歲,說笑還說笑,但現實是人均壽命越來越長,理應中年(中間位)越來越推後,但中年危機就越來越推前。

細想因由,可以很複雜,是整個社會資源分配問題,人口在老化,但經濟實力就不斷向下沉,是有資產與無資產人士的分野,無資產者越來越難生活,越來越早出現中年危機。不患寡而患不均,嗒落有味。

4. 若持正面態度,當然要想辦法增加競爭力,脫離困境。例如進修,在公司更積極,增取嘗試管控更多事情,得到上司賞識等。

可惜,今時今日,社會風氣可怕之處,就是提出正面態度的想法會被非議。把社會不公/前景無茫的景況展露於人前,反能得到掌聲。在各大年青人的討論區,大家都充斥著怨氣,彼此認同與確認這些處境乃無法解決,彷彿這樣才讓人心安。

5. 這些小故事其實無頭無尾,不知是真實還是作出來。說不定只是該報小編的自身情況,又或是幻想出來的故事。

推介影片:

https://www.patreon.com/posts/zhong-nian-wei-43961353

17 則留言:

  1. 相比中年危機,我反而更在意社會上瀰漫的無力感
    有能力的朋友、同事,很多都移民了;留下的,對社會縱有不滿,亦認命了
    對工作、對生活,也一樣
    逆來順受,偶爾發發牢騷,圍爐取暖,僅此而已

    要保持正能量,不容易
    不過,既然改變不了環境,就改變自己的心態吧^^

    回覆刪除
    回覆
    1. 匿名23.1.21

      "有能力的朋友、同事,很多都移民了" ?!

      個個行業不同吧,起碼止凡還沒移民

      Bart

      刪除
    2. 暫時觀察,即使有能力的人,10入面還未有1個移民,遲一點就不知道了。

      刪除
  2. 我諗暫時只有Cathie Wood 的ARKK才能提供正能量比年輕人。 人生好多野都係受制於人,份工又係,股市又係。

    回覆刪除
  3. 本人正是如此,35都已經過咗十幾年喇,當時都知道高不成低不就,知道自己唔係咩專才又冇學歷,唔可以單靠一份收入,就在正職以外搞些小生意,後來好彩將自住樓賣咗一拆三做雙租,裁員食埋個肥雞,之後都係打基層工,有多幾份收入來源,就算而家又冇嘢做都唔係太擔心。

    回覆刪除
  4. 其實中年危機係自己想太多,只要心態上承認世界上好多野唔到你控制,船到橋頭自然直就OK。

    工作上有冇留低時間,嘗試靜下來審視自己。

    35歲當你做admin,有冇研究PRA替代你手上份重覆輸入文件工作?
    然後釋放人力出黎做其他野?

    做marketing,而家個個都講digital marketing,識唔識點樣用google ad、facebook pixel? 咩SEO? 花幾千蚊請個KOL賣廣告,又可以帶來幾多生意? 識唔識得將30日hktv mall數據合併,然後利用 Pivot Table整理。又能否提供新角度比公司? 好似發現好多人係太古城落ORDER,咁線下宣傳可以考慮係太古城收集意見、派Simple‧。

    HR的話,嘗試去各部門,了解流程,更新公司簡介比新人知,方便招聘。(HR未諗到可以點搞,除非你係請臨時工做Promoter 個D,咁點樣運用HR系統編更,點樣可以擴展人脈,人地放飛機都可以立即搵人頂)

    Account唔洗講,度度都請人。

    IT仲摸索緊,始終未入行。

    仲有可以多元發展,如止凡說嘗試其他事物,組合技都OK。

    最後,公司唔炒你,即係公司有自己想法,如止凡影片講,公司可能想請多個人,一間百幾人公司可以名氣同人合作。你上司唔想縮部門,令預算減少,影響力減少。請個小薯又要做多重工作教佢,唔岩又炒,又請又睇下夾唔夾,而家好好地嘛幾好,唔好搞咁多野。

    回覆刪除
    回覆
    1. 安少不是年輕人嗎?看來你都頗有遠見。

      刪除
    2. 年輕人也可以有遠見,看雲地兄便知道了:)

      刪除
  5. 匿名24.1.21

    移民過後,可以比軟香港的優劣,再下判斷!草上飛

    回覆刪除
  6. 最有能力的人 早已在外國有國籍 資產夠分散,反而不需急著移。

    老一輩不一定是實力好,很多是時勢,有幸經過香港最黃金的十年,已且是投入最多資本的時候,已經足夠,不需追大增長,不大輸已夠退休。

    年輕的在香港政情日益惡化的時間,追的是增長而且還有時間

    回覆刪除
    回覆
    1. 匿名24.1.21

      歡迎更多的人移民,越多越好,香港真的太擁擠了!

      刪除
    2. 匿名24.1.21

      呢期黃絲日日講移民,講穿左都係一哭二鬧三上吊既技倆。
      佢地既如意算盤就係,萬一香港人真係走哂,香港同大陸即時運作唔到,到時政府就會跪求班人返黎建設香港,到時佢地既政治要求就可以達成。

      但係佢地忘記左幾個事實,1) 香港九七移民朝時香港都冇死到,點解黃絲會覺得今次會成功? 2)2021年既大陸同1991年既大陸唔同,大陸既實力足夠落一批人代替香港人(其實好多行業都已經係大陸畢業生做緊,只係差醫護同教書),到時香港人真係冇得企。3) 香港依家失業率唔低,就算冇大陸人,香港都大把失業人士都可以填補空出既位置。

      刪除
    3. 匿名24.1.21

      上一年都証明左攬炒策略係唔成功,佢地都仲要堅持攬炒。最後既結果就係同立國安法一樣,佢地俾人攬炒,而其他人安然無恙。

      刪除

熱門文章