2020年11月29日星期日

中年危機 投資未必為發達

兩年多前寫過有關中年危機的文章,談到職場工作與生活事,描述打工仔面對中年危機的處境,相信有不少讀者有所共鳴,早前把這題材拍片討論,大家可以重溫一下。


一般打工仔於職場上工作多年後,多會到達一個力不從心的崗位。人到中年,升到公司中層經理仔,又未到公司高層,又要管人,又要應付老闆,下屬又未必聽話,壓力不輕。薪酬到達一個點,跳槽另找工作未必能取得同等代遇,沒有年輕時的瀟洒。工作上,長江後浪推前浪,又怕被年青人淘汰。

家庭狀況方面,亦替中年打工仔帶來相當大壓力。上有高堂,下有妻房,所謂「仔細老婆嫰」。計計人數,夫妻二人,一般兩位小朋友,加上四位父母健在,若太太沒有工作,一個養八個,負擔不輕。更不幸的話,任何家庭成員得到長期病患,需要加倍照顧,情況將會更差。

另一邊廂,無論收入多高的中產,大多數都沒有太多積蓄。主因人性習慣,收入高自然支出高,供車、供樓,仔女讀國際學校之類,慢慢由「想要」變為「需要」。到了這個情況,中年危機,已經綁手綁腳,不能回頭。唯有埋頭苦幹,替老闆做牛做馬,為求保住份工,眼前這份工作可能由「需要」變為「必要」,失去選擇權。

當還有機會計劃人生之時,注意投資理財。若能及早達至財務自由,被動收入已能支持日常生活開支,自然能化解中年危機。

很多時,每當提到投資,散戶就聯想到發達。多數散戶着眼於如何買中爆升股,又或者預測未來避開股災。依此思維去找KOL,追蹤跟貼消息。近期不斷追逐新經濟股票,舊經濟股票被一沉百踩。買Tesla股票被喻為醒目,買領展、煤氣被人笑老土。人人都希望他朝一日可以買中千倍股,富甲一方。

能發達當然好,我不反對發這些夢,甚至以一部份資金去博這些夢,只要個人覺得值博,並無對與錯,能控制注碼,更是高手。與此同時,建議總要有一部份資金部署投資到比較實務的資產處,希望產生可靠穩定的現金流,目標是要解決類似中年危機等問題。達至財務自由,這是追求美滿生活的關鍵一步,亦是投資的一個重要目的。

文章連結:蘋果日報

推介影片:

https://www.patreon.com/posts/zhong-nian-wei-43961353

14 則留言:

  1. 貓哥29.11.20

    我未到中年,但呢2年先領悟到打工俾你做到高層都無用,要炒你ge可以咩都無,唯有積極儲資產。所以真係唔會再為所謂職場前途而進修,讀埋啲咩咩管理課程,得閒睇下blog,聽下你youtube學到仲多野,唔係刷鞋,真心。呢啲野學校唔會教

    回覆刪除
    回覆
    1. 呢句真,打工好似要預備隨時起身

      刪除
    2. 又不用選擇單邊的,可以雙管齊下

      刪除
    3. 自學應該是未來最大本錢,變得太快,但可以不斷學習就是不斷重生的能力

      刪除
  2. 進修其實都係提升機會同能力去揾多d錢,再去投資。所以趁後生有時間同效益好時做會理想,當然都要預唔係乜野都係計劃之內。只能做好自己,知自己做緊乜野。

    回覆刪除
    回覆
    1. 好似這年半,真的無得預計。

      刪除
  3. 匿名30.11.20

    唔同年齡的人,各有各的想法!:)自己友

    回覆刪除
  4. 我跟同事講PLAN緊退休, 佢地話咁早PLAN....我答番佢地話唔通臨退休先黎PLAN咩...

    回覆刪除
  5. 本人剛入五, 雖然不是甚麼中產,只是大公司中一個小職員, 但憑藉多年儲蓄,總算儲到一定現金和資產,自己日計夜計,這些現金、資產和退休金其實都足夠財務自由,但屋企人總覺得後生纍纍就唔做嘢,遲早坐食山崩,令我好迷茫

    回覆刪除
    回覆
    1. 我都認為要找些有意義的事情去幹,否則有點兒浪費。

      刪除
    2. 我都遇到差不多情況, 身邊不論朋友同事親人都覺得, 不論你儲到幾多, 冇工返冇糧出就唔隱陣. 另一方面, 大家(包括我自己)可能返工返得太耐, 所以除咗返工, 唔返工既日子都唔知點過, 仿佛一世人既使命就係返工, 呢啲都係做得打工仔太耐的悲哀

      刪除
  6. 中年危機係好難避嘅人生課題,愈早財自,選擇愈多。
    有效增加被動收入,人生下半場可以更精彩。

    回覆刪除

熱門文章