2015年6月7日星期日

讀者質素是筆者最上心的

話說與止凡在imoney同寫一個專欄的財叔於今期imoney出文,文章是講述有關劉鳴煒的訪問,當中亦有談論引起全城關注的概念,就是劉生舉例指月入萬五元的年青人,應該多犠牲消費娛樂,由月儲500元提升至3000元,買樓機會就會大增。這言論被公眾聲討,指其概念「離地」,引起一場風波。


財叔的文章就是討論劉生這個概念,把一些新鮮一點的思維帶給讀者,例如單人儲蓄未必可行,年青人可以考慮與愛人一起儲蓄,首期三成未必是唯一可行的目標,拿一成首期也是可以的。就以此類言論,嘗試替社會注入一點正面思維,與讀者腦震盪一下,增加大家解決問題的考慮方法。

有趣的是,當文章被節錄出來並貼到imoney facebook page上,至今天有幾十個留言,八成以上的留言內容都是偏向負面的,不少留言更頗不客氣,下面節錄了一部份出來讓大家看看:

『你講儲幾多都得啦,駛鬼你教吖。問題係你嘅人生咪得層樓,同埋宜家嘅樓價係痴嘅,唔抵都要食麫包走去買?一個畸型嘅社會,講到歪理係真理。』

『你唔係唔識計數,不過唔係好識房貸政策,一成首期,你自己都識計要月供過萬,三成首期月供八千,但月入萬五,供款入息比超過五成,一開波就唔過壓測,點上會?而且你無啦啦減低個銀碼又400萬去到300萬,300萬買到咩樓呢又?仲要係iMoney出埋d連基本金融知識都唔識既文,iMoney既水平真系…』

『萬五儲一萬無話唔得,您$1家用唔使俾,帶埋飯返工,絕對可以』

『仲要唔好進修,大學時唔好借 Grand Loan, 唔好諗拍拖,一係拍住拖先但唔好出街……』

『小學雞文章,笑9死人咩,連基本知識都無,真係離地無限遠』

『imoney再出埋依d咁既垃圾文真係趕客……』

『依個雜誌打手!幫啲離地嘅人補飛,寫啲硬着陸嘅嘢!……一編文章都袋幾皮啦!咁你係咪寫一百編就可以一炮過買樓??人哋用400萬月儲3000嚟計,你就用300萬月儲5000嚟計!!』

『係囉,龍門點搬都得架,唔夠數揾十個人同你一齊供呀笨』

『講到唔洗用錢咁喎,作者到底知唔知咩叫做通脹,仲有比家用父母?到底賺幾多月薪先儲到一個月五千蚊?』

『廢人廢 up,好多知音人已吊,我都唔徙時間;想問下:律師費?(什麼愛人一齊儲錢都寫得出,唔爭在認個律師契哥啦)裝修?(睇怕佢又會教你:自己上youtube 學囉)印花稅?(認埋689做契弟囉,佢果四球英磅收得咁過癮,嘔返d出嚟啦)』

『係呀,講得岩,你講個方法ONLY俾到「首期」.... 而買樓,係買左成層樓,假設你 3000X12個月X12年=40萬首期 咁一層400萬既樓,係咪要100年左右...?』

『磁能線,係人都識計啦,問題唔係呢樣囉!唔好話一個月儲哂份糧?』

『梗係叫你死儲爛儲,用晒成世人生同積蓄儲,唔係作為地產商點做大富豪?』

『以前用筆名就型,而家名都唔敢講,其實係咪俾d小學雞投稿?為撐而撐,係埋想大劉請你做顧問就唔駛做?』

『我覺得月儲2萬,政府話唔交稅就唔同』

『無話唔得,只係人生為左供樓,值得咩?而現今樓價高企,又值得買咩?唔好成日覺得年青人唔捱得怨天尤人,this is not a fair game,如果年青人都早二三十年出世,趕上香港起飛既黃金時代,今日成就可能比無數指指點點既中坑好,但年青人唔會咁講,因為過去不可追,而打咀炮亦無用,年青人只係要過正常生活,但財叔你明咩叫正常生活嗎?讀完書儲錢供三十年樓然後退休等死?通向平庸之路是如此煉成的,香港人真幸福』

『只要放棄一切娛樂一切目標,只要想著誠哥快樂就等於你快樂』

『—個月3000元,一年3萬6,10年36萬,30年才98萬,點買』

『要儲存可能一萬都得,但你過緊乜野生活呢呢十幾廿年?人又有幾個十幾廿年?別忘了,這只是首期.......』

『連imoney都離地。本身期期買,睇黎都係唔買好過』

『儲一成要12年,咁供九成』

『好有智慧既一本財經雜誌,好有智慧既一個專欄,的確,月儲三千,根據專欄既計法真係買到樓,但係係起12年後買到今日既樓,請問專欄作家寫呢篇文之時,有無將樓價升值既數計埋入去?定係作者有信心12年後會有人發明左時光機,可以回到呢個時代買樓?』

『好多經紀出口術。』

『呢位仁兄比小劉生更離地』

『未計裝修呀傻佬』

『搵萬五蚊原來買到樓咁利害嫁!當你真係咁叻仔儲到首期!月供一萬零幾!水電煤唔洗交?又當你咁叻仔交到唔洗食嗎?又當你每餐都有人請你!供完樓交埋水電煤仲夠錢搭車返工咩?』

『廢文一篇』

『還想補充,作者話儲3000可以買樓唔算離地,儲5000才更離地,好明顯你連人地話佢離地既意思都攪唔清楚。你建議兩口子每月儲5000……可買樓這方法明顯比儲3000搭實,人們話佢離地唔係話儲3000難,而係儲3000想買樓在香港係無可能,連凶宅你都唔使諗……其實月入萬五,一年去一次旅行,行街睇戲食飯樣樣做齊,都一樣每月儲到3000。其實作者都講得好啱,兩個人儲一萬係有機會買到樓,不過你咁講不是等同於否定了劉鳴煒儲3000元可以買樓一說嗎?你其實表面上係幫劉鳴煒講說話,本質上又唔應同佢講法,還想教訓人家對劉的批評!真的希望本文作者可以睇到我的回應』

『唔好話壓力測試,律師,經紀,厘印,裝修費全部都未計。imoney 炒左呢個咁冇水準的作家,炒埋通過呢編垃圾的 editor啦。我覺得要買樓首先唔好浪費寶貴的時間在imoney。』

『咁我話你知,只要有人斷六親,訓街,行路返工,摷垃圾食,借體育館沖涼,唔上網唔用iphone,睇戲去日本呢d高消費免提啦。慳埋家用衣食住行咁你應該月儲12000以上,三年唔使就上陰宅添啦,仲首期?』

有趣嗎?看到這些留言,大概可以知道留言者的思維,有些留言批評財叔不懂買樓計算之類,更在留言中展示自己的計算證明如何不可行,我想他們連財叔是誰都不太清楚吧。有如此高手「袋錢入你袋」也收不到,看到這種情況,真感悲哀。


昨天,我把這個page分享到《取之有道》facebook page,至今天都有十多個留言,我發現所有留言都是正面的,就算有點不認同,也是較理性的提出質疑與討論,我又把留言節錄了出來:

『社會就係要有呢班無腦嘅人,先可以有人墊底,多謝嗰班廢人。』

『大家都只專注在「樓價貴」「儲蓄等於無娛樂及要節衣縮食」,都忽略了儲蓄的意義和學習理財的重要性。』

『謝分享明顯地成功嘅人只會用時間諗下點樣做到!失敗嘅人只會花時間批評别人!』

『金句:目標很難達到便斷然放棄,其實只會離目標愈來愈遠;當然這可以是你的選擇,但就不要怨天尤人了!』

『當批判現時年輕人既時候應該諗下係邊個造成佢地有咁既諗法,係唔係就係一班所謂成功人士呢?以前我第一次食自助餐同坐飛機旅行係大學part time搵到錢先去到,但依家呢?好多幾歲已經去歐洲玩,要咩有咩,唔駛自己爭取又點會珍惜?』

『我把每期你和財叔的文章都影低番看再番看的,越看越有味道』

『從年輕人的反應可知, 叫他們放棄享樂儲蓄是很離地的。』

『首先我强調買樓真係要衡量自己能力, 唔好夾硬買, 我同意財叔所講儲蓄至少達到月供的額度先好考慮買樓。但我諗離地論呢點應該係財叔誤會左網民意思, 網民唔係話月儲三千係不可能任務誇張到離晒地咁解, 而係月儲三千同儲五百都係無可能買到樓。而劉生就叫人月儲三千去買樓所以先比人話離晒地食米唔知米貴』

『每月三千蚊其實個複利息威力好龐大,以十年為期,求其篤隻ETF最終回報都唔只首期,我曾經向人解釋,但明白嘅少之又少』

『儲錢買股唔買樓都係一個選擇,用好股增值首期買樓。』

『思考焦點錯晒,財叔袋錢入你袋都唔識執! 與其諗個game有幾難玩,不如將焦點放響點玩好個game啦』

『心態注定成敗』

『其實每個人都有選擇的自由。人地做到,點解唔諗下點解自己做唔到?其實有很多八十後已靠自己能力,無父幹買樓。點解人地有五萬人工,自己得萬五?那些留言,只能看到性格思維改變命運,真的不要怨天尤人!』

『人工會加上去,樓價吾會永遠向上,無準備,就算去到一百萬都買吾起』

分享最重要是遇見知音,在這個平台上,遇知音及同路人,我一向都沒有難度,因為沒有相近理念思維的blog友都早已被「悶」走了。這個小天地,論人流不會是最多,但論質素,我敢說是數一數二的,不是指文章質素,而是所凝聚的blog友質素。我不知道imoney的編者們會否看到這情況,其實他們不時都有來看看文章的,不知道他們會有何感覺呢?


140 則留言:

  1. 有人以半杯水的態度來看待這個問題;有人卻持著滿杯水的心態,亦有人知道自己的杯子是空的,但容不下別人倒給他的半滴水點。

    這都要看自己的個人造化呢。

    回覆刪除
    回覆
    1. 很好的比喻,值得深思。

      刪除

  2. 社會容不下,大家唯有收口唔分享,留返同有興趣既人講好過。一係得閒(好似我咁)出黎講啲無厘頭但只有有經歷既人先會明既嘢。或者,提早消失食花生。

    回覆刪除
    回覆
    1. 走到惡性循環處,社會只留下失敗者的聲音,只有他們在發言分享失敗,這絕對不是好現象。

      刪除
  3. 而家買唔到, 唔代表永遠買唔到。就算而家俾舊錢你做首期, 唔夠財商支持, 入市都可能變羊咕。

    元朗尚築134伙4小時全數沽清
    http://paper.wenweipo.com/2015/06/07/FI1506070001.htm

    回覆刪除
    回覆
    1. 所以「成功靠父幹」也可能會出事。

      刪除
    2. 活在羊群之中,最終只會變成羊咕!哈哈!

      刪除
    3. 今天羊群再現,投資者更要保持冷靜。

      刪除
  4. 我完全同意自由兄所言,大家收口,即是大家都唔得益!咁様係好唔健康!有時D嘢唔係難就等於唔做;而係應該諗吓點様可以做到!

    回覆刪除
    回覆
    1. 大家多點正面思維,就要多留言分享,讓好文章得到更多支持,不會輕易「收口」。

      刪除
  5. 所謂獨立媒體濫佔社交平台, 將負面、歪理不停地散播, 我真替未來擔心!

    回覆刪除
    回覆
    1. 這情況的確令人擔心,還是自求多福。

      刪除
  6. 匿名7.6.15

    我記得財叔講過他最初做過小販,那時侯他只會想怎樣才可以買到樓,不會恕天尤人像時下的年青人充滿負能量。其實每月儲三千只是開始,當你正能量上身時很多時有很多意料之外的事最终能令你達成願望。說起來很玄,不過是小弟的親身經歷。共勉之!

    西門

    回覆刪除
    回覆
    1. 講得岩
      不要問為何
      要問如何

      不要只想二選一
      應該要想如何take it all

      刪除
    2. 西門兄不妨也分享一下個人經歷,說不定能影響不少人。

      刪除
    3. 都係西門兄有我心!重記得我做過小販,其實唔應框以每月收入幾多儲幾多黎框死自己,應該係從我每月要儲幾多黎出發,例如要儲一萬就諗下點樣可以月儲一萬,而唔係話有可能定無可能!我當年月入三千可以儲三千,月入四千供三千蚊樓,可以點?咪夜晚做速遞,星期六日早上幫人送貨,夜晚做小販,有咩話唔得,外快收入多過正職添!不過宜家真係好少聽人講話要兼職,可能真係會降低生活質數啦!哈哈!

      刪除
    4. 財叔的故事實在很勵志,值得今時今日的年青人學習,絕對比起富二代的言論更有說服力,可惜不少年青人在批評之前連財叔是誰都不清楚。

      刪除
  7. 點解班有青(有為青年)成日話要買樓?究竟真係有幾多人係有置業需要?所謂有層樓,溝女都易啲;依家啲有青睇慣AV,性慾特別旺盛,所謂「同屋企關係差,要有私人空間」,其實只係講緊一個可以俾佢地自由地性交的炮房而已。

    回覆刪除
    回覆
    1. 我又沒有想得他們這麼壞,但也不排除有這個想法的人。

      刪除
  8. 我呢句係有修辭技巧的,唔會只能作字面解. 所謂「縱慾」, 唔只係字面上解「性」方面, 而係包括物慾, 所謂去旅行, 消費, 過著無拘無束的生活(獨居就唔使俾阿媽管),呢啲都可以在你上述quote的留言中看到(我只係抽咗「唔使拍拖咩?」引伸出來諷刺佢地)。只要唔係一定要買樓,即使月儲幾千,也可以用來做其他事,為將來置業打好基礎。
    另一方面,就如某些留言所講,月入萬五過到壓測的機會甚低,其實就意味住「月入萬五」係未夠資格玩「供樓」。事實上「供樓」呢個遊戲唔係人人有qualification可以玩到(就好似考大學一樣,有最低收生要求,而且唔一定保證你達標就入到學,仲要同其他人鬥),只係班有青唔願意面對現實自己係未夠quali的一群人而已。

    回覆刪除
    回覆
    1. 魔術師有點禪師「自由一千萬」的影子,哈哈。

      其實,感覺批評的留言者好像都沒有買樓經驗,卻在熱血地批評著一個達人級數的物業投資者,好像你所言,有時要面對一下qualification這個現實,be humble,對自己會較有利。

      刪除
    2. 所以同一篇文,唔同人會睇到唔同o既野,我其實就係想話就算你月入萬五儲到三千,根本都無資格買樓,好在重有魔術師兄睇得明,幾時教下我玩魔術先?

      刪除
    3. 這裡能看懂的人,應該不只魔術師兄一個,這裡質素不低的。

      刪除
  9. 匿名7.6.15

    上凡兄,
    哈哈,其實不是什麼大不了的事,像家人見你有這想法突然說借錢给你扶你一把,agent 會有筍盤介紹給你,剛巧轉到好工收入大增及投資有所斬獲, 差不多是同期發生。有些人可能覺得是行運,我相信是正能量在發輝作用, 否則你便不能好好把握。老土一句,機會是留给有準備的人,負能量的人不能好好準備, 共勉之!
    西門

    回覆刪除
    回覆
    1. 能分辨一些事情有多少是因為運氣,有多少是因為實力與準備,這也是很好的思考過程。

      平凡的故事也可以很吸引,若西門兄有心情寫下細節,總結及分享一下,這可能是一篇很有價值的文章。

      刪除
  10. 匿名7.6.15

    to 魔術師兄,
    這正是數字兄說的滿足'拍拍拍'需要,很傳神!

    回覆刪除
    回覆
    1. 嘩,這裡有不少女blog友,太露骨的內容不太合適吧。

      刪除
  11. 匿名7.6.15

    讀者的質素,會不斷提升的,只要他們肯堅持。但有些看兩看,覺得悶就唔再看都不少,所以我肯定肯留低的,都是同路人。

    以我為例,去年年頭首次接觸止凡兄這個blog,不看尤自可,一看不得了,連追多晚,追了一個多月,終於把你那時的所有文章看過一次。受到閣下啟發,立下決心跟隨你的道路,一路至今有一年零4個月了。如果比較起去年未受啟發前的資產水平(當然計及現在股價升幅),及受你啟發後的一連串財技操作,我總資產一年間上升了一百萬!我不斷向人介紹你這個blog,但從未有一個人同我講話好有興趣,看晒所有文章。所以我認為,有時讀者同你的緣份未至已矣。有時我心想,除財商外,或許有樣野,叫"財緣",就像去年年頭前活了30多年的我一樣,財緣未至,只能有限度儲錢,財緣一至,爆發力驚人。

    在此再次感謝閣下啟發,恕我不能留真名,因為可能有其他朋友正在閱讀你的blog文。

    回覆刪除
    回覆
    1. 其實不留真名也可以留個別名,專是來這裡用的名字,以便識別。

      多謝你的支持,你的經歷令我有點感動,如果是身邊朋友,我一定要你請我食餐飯。的確,就算是我向朋友推介這blog,甚至是代購著作寄到府上,看也不看的還是不少,再推多幾推,人家隨時感到我hardsell什麼似的。按你所言,可能這就是「財緣」吧。

      刪除
  12. 此留言已被作者移除。

    回覆刪除
  13. 唔係搵及儲幾多,買唔買到樓既問題,係財商唔夠既問題
    越多人爭就越貴,樓價真係唔會跌??可以永遠向上??
    樓價不停升,似乎已經冇人記得有負資產呢個名詞了
    有財商又想買樓既人,依家可能已經積極準備,等待機會來臨既一刻,而你呢??

    回覆刪除
    回覆
    1. 其實看看過去廿年香港樓市歷史,上網睇睇片,大概可知一二,不過向人留言批評者,多不會這樣做。

      刪除
  14. 係銀行未批淮這些人買樓之前, 這些人已經disqualifyo左自己
    不過如果有人開篇文講"我o地呢班人點都唔會買得起樓", 然後列出以上買唔到樓的原因, 佢o地又話睇唔起佢o地
    總之就係講o西

    回覆刪除
    回覆
    1. 這些人應該沒有買樓經驗的吧,亦沒有與銀行交過手,這是從他們的留言中看出的感覺。

      刪除
  15. 唔同BLOG 有唔同讀者群。
    果班人LIKE0既PAGE又唔會係我地呢D 投資BLOG。
    變左公眾媒體,自然就乜人都有。
    如果財叔同佢地同齡,佢無可能低位買入,不只是財商,亦同年齡有關。

    回覆刪除
    回覆
    1. 當然與年齡有關,不過財商不同,選擇也會不同。若財叔在不同年代,所投資操作的資產又可能不同了。

      刪除
    2. 年齡真的有關嗎?隨非你講緊宜家剛畢業啦!如果七十同八十後,大把由我寫blog開始跟我條路去行,三幾層無難度,咩叫低位?乜樓價從來有平過嗎?就算今日我同佢地一齊再起步過,我都有信心我一定會贏,問題係思維決定成敗!

      刪除
    3. 70後兄不太喜歡物業投資的,條條大路通羅馬,百花齊放,不錯吧。

      我們這些「花生油」夾在中間,樣樣都學習吸收,最著數,哈哈。

      刪除
    4. 咁得閒真係要跟70後兄學習下,宜家物業根本就無投資價值!

      刪除
    5. 嘩,真人回覆。
      拿,年紀有關,彈藥問題。
      佢地三幾層同閣下同樣三幾層,係成本已好大分別,防守力亦如是。
      年紀老0既,錢相對多少少,早買入機會亦較多。

      如果無低位,就如同某人講某股,有買貴無買錯無分別。
      一齊再起步未必有人想知結果,但事實年紀相關不能否認。你睇下多少物業老手,都係因為時間,除非你唔想認老。

      我BLOG只係廢UP,無乜野學的。

      刪除
    6. 我認為投資當然要看時機,但能看到時機出現,本身的財商亦要不錯,否則滿手現金地身在資產價格低迷之中,仍是不敢買貨的。

      刪除
  16. 匿名8.6.15

    其實唔同年代,唔同社會,唔同地方,都一樣會有問題出現,差在自己點樣去發掘自己要面對既問題。
    現今社會大部份人都係比較負面,執著。很會找別人/社會弊病,但沒有幾多人認為自己有問題。得到的,就是自己的實力和努力;得不到的,別人/社會的錯/運氣不好。科技進步,人類卻退步~
    要是大家正能量多些,分享與思考等都會對自己和別人都有很大幫助,金錢與心態一樣,只有不斷累積和凝聚,總會能看得見自己的夢想。

    Setcol

    回覆刪除
    回覆
    1. 其實Setcol所認為的「大部份人」都比較負面,我未必認同的,因為日常生活所見的同事朋友都沒有太負面的人,來來去去都好像只有在網上結聯的一群年青人。

      好像屯門反水貨客行動,出來的其實只有幾千幾百人,只不過他們透過互聯網聚在一起。新聞報了出來,我從未聽過身邊有朋友話這是合理行為,其實幾千幾百人是相當少數目的,只不過今時今日,有互聯網這個平台,聲音好像變得大了。

      刪除
    2. 匿名8.6.15

      哈,咁又係,現在好像都是感覺隨處都係,實情都係某一堆人較大聲:)

      刪除
    3. 這是我的認知。

      刪除
  17. 匿名8.6.15

    思想改變行為
    行為養成習慣
    習慣造就性格
    性格決定命運
    改思便能改運

    西門

    回覆刪除
  18. 匿名8.6.15

    謝謝分享﹗
    固步自封固然不可取,但只說不做、怕失敗亦不見得有出頭的一日,
    或許以上都是這一代的青年人所說所想。
    當佢地步入中年,亦一事都未嘗試時,又如何去做成一件成功的事?

    昨天一家人吃下午茶時,聽到後座一對前輩同晚輩(應該係成年)的對話,對話中前輩係不斷去鼓勵晚輩去嘗試每樣挑戰,但晚輩只會推搪、怕失敗。
    對有細路的父母輩來說,教養就已經除咗養外,"教"亦不能外判給外傭姐姐。

    多言了,請見諒。
    BBQ

    回覆刪除
    回覆
    1. 我覺得教小朋友最重要是身教,每天對得最多的是工人,父母回來就只有寵愛,出來的孩子會是怎樣,其實可想而知。

      刪除
    2. 匿名8.6.15

      止凡兄︰
      還有一點,就係呢一代的青年,睇個"我"字十分之巨大。

      回顧小弟年青時...亦不點亦不願做"樓奴",但只會跟相熟朋友呻兩句罷了。
      亦不會租樓,大不了便和父母同居,就算結婚、有了孩子才安居。或許說得較離地,但我地亦經歷過近十多年的起跌,有汗出冇糧出等等...
      難道各位前輩的教路對現今青年來說是死路一條?真有點摸不着頭腦。
      BBQ

      刪除
    3. 又不是所有年青人也如是,只不過成功的都不多發聲而已。

      刪除
  19. Fida8.6.15

    現今社會充斥很多負能量,無論在工作上、網上等地方看到的言論都很不客氣,看完只有一笑置之,唔好受影響。平時只要做好準備,思考人家的方法對自己有冇得著,當機會到時就可出擊。

    其實財叔、止凡兄、巴黎兄等分享自己的理財心得,一直都冇話要大家跟著做,亦冇話對與錯,應該作理性討論,從中學到有用的東西。

    回覆刪除
    回覆
    1. 現今的年青人很奇怪,總以為人家的分享是有陰謀的,是收錢作打手之類,有這誤解,最大原因是程度不足,又被傳媒影響太深,連真假也無能力去分辨。

      刪除
    2. 其實多d唔同聲音可以啟發我更多思維,呢排我思緒真係好澎湃,諗到好多野!真係要多謝佢地!

      刪除
    3. 嘩,財叔的思想實在正面到不得了,從反對者身上學習,厲害。

      刪除
    4. 如果無反對聲音,我唔會睇到自己盲點,又或者唔知原來有咁多唔同睇法,咁我又未必會有新思維啊!所以我好喜歡佢地架!

      刪除
    5. 真的要跟財叔多多學習,真正有料之人,對別人批評可以很平常心,又不失去分析及採納批評者的意見。

      刪除
  20. 我也是差不多一萬五蚊一個月工資,15年調整了1.7K
    仲有二個小朋友,只同屋企人住等待公屋4年中,也好像文中所說,儲3K左右上限。
    但經過近三年投資加儲蓄,投資方面總利潤差不多有一倍。
    為了以後買樓或投資做好了準備。

    回覆刪除
    回覆
    1. 這是財務知識的威力,回報可以是想像不到的。

      刪除
  21. 匿名8.6.15

    嘩,,止凡兄你貼咁多,,睇死我,,哈,,
    不過都好反應現今的年青人的睇法,,
    佢地之所以有咁ge諗法都係因為佢地的思維財商有限,,
    正如一個普通人乜都唔識佢地只會識淨存錢去計,,
    所以就會感覺好恐怖,,
    但係最緊要懂得如何學習,改變及行動才可以對自己有幫助,,

    成功並不在於起點,,而是在於轉折點,,
    祝福那些人早日能夠上車,,
    更重要係思維上可以早日上車,,
    努力,,互勉之...
    cleverpeople...

    回覆刪除
    回覆
    1. 內容太有趣,所以忍不住貼多了。

      沒有財商,眼前就只看見一條「死數」,別人展示一條「活數」,他們也只會說這不行那不行,這真的與知識有關。

      刪除
  22. 匿名8.6.15

    我慶幸社會依然有班人繼績努力消費, 麻怨為他人作嫁衣裳~ 如每個都是理財精英, 在這個資訊爆炸的年代世界變更難撈了 :)

    回覆刪除
    回覆
    1. 息兄這論點頗有趣,好像讀書考試拉curve一樣,哈哈。

      刪除
    2. 息兄其實我都好慚愧,如果多幾個我呢D人,呢個世界可能都會停頓,所以我好多謝佢地消費架!哈哈!

      刪除
    3. 又在拉curve了。

      刪除
  23. 不同年代不同机遇。永遠都是活在當下最好的。

    當想擁有一物,必須要付出同真心才能夠有“机會“實現。財叔當年冇$供樓也只是不斷想辦法,解決問題。當年買樓自住收租大有人在,但物業投資者能夠过了97同把握08年低息机遇而更上一層樓又有几多人?!就算有又有几多个願意無私分享。難得財叔有個平台分享,(比20蚊可以了解甚至乎facebook也可以免費睇)
    我個人相信財叔不怕批評,但我怕無引分享少了,那麼最大損失一定是讀者。

    回覆刪除
    回覆
    1. 我也有同感,這樣的環境,很容易令實力派感到「無隱」,有方法賺到錢,為何要分享?剩下的可能只有一些有目的的分享,這將成一個什麼世界?可想而知。

      刪除
    2. 社會上反智事情丶負面情緒丶應份丶福利心態愈來愈強。莫講話社會!自己都會處於被動!無論心態,能力,心智。無可否認國內年青人工作創業真的有學習地方,有機會也想討論下我們的優劣勢。

      刪除
    3. 我們的優勢的確越來越少了,這是能感受到的變化。

      刪除
    4. 我分享有目的o既,所以唔會無癮,不過如果有一年我籌唔到錢去資助班學生,我就會正式收山啦!

      刪除
    5. 這是大愛的目的,讚。

      刪除
    6. https://m.facebook.com/story.php?story_fbid=450263755147433&id=414186532088489 剛剛睇imoney曾sir也....
      其他他這篇內容也很不錯

      刪除
    7. 我也有看這篇文章,又是一篇勵志文。

      刪除
  24. 吉米8.6.15

    哈哈!止凡兄的推銷術真犀勵, 看到此文我即刻去買咗本imoney睇下(joking)。
    不過看到了『與其諗個game有幾難玩,不如將焦點放響點玩好個game啦』 及『 心態注定成敗』。另小弟得益不少,因為受到同業競爭。影響小店生意,也接近租約期滿。所以也有放棄念頭,看到這兩句話。才驚醒自己根本沒有盡力,一開始就覺得個game難玩。只想著放棄,
    從這刻開始我會想點玩這個game。
    這裏實實在在充滿正能量,多謝大家!

    回覆刪除
    回覆
    1. 那我要問imoney拿佣金了,哈哈。

      吉米不妨也分享一下故事,可能大家可以給點意見。

      刪除
    2. 咩小店呀?點解唔叫我去幫襯下呀?不過如果D野有太高溢價就真係幫你唔到啦!哈哈!

      刪除
    3. 我都想知,吉米分享多一點就好了。

      刪除
    4. 吉米9.6.15

      我是在澳門開鮮果鋪的,已經營了4年半了。從一開始什麽也不懂,到現在略慬各國的時令鮮果。生意一直都可以,直至去年開始陸續有新鋪開業。他們一開始也是用低價吸引客人,當不斷有新鋪加入。價格戰就越寅越烈,我一直都是從澳門批發入貨,新入行的初時也在本地果欄入貨。之後就直接從香港果欄入貨,所以入貨價格也比我低一些。我自已本身有一份工作,所以不能太容易的到處找供應商。而且新鋪大多是睹廳中人開的(連睹廳的人都要開辦其他的業務,就可以知道大陸打貪對澳門睹業的影響有多大),才力也比我大得多,所以一開始我就打定输數。如果租約期滿,業主大幅加租。我就唔做,閉門大吉。

      其實經常也看到人們post『 心態注定成敗』這話,但昨天看到時候就好像觸電一樣。再加上『 與其諗個game有幾難玩,不如將焦點放響點玩好個game啦』。我立即寫回應,之後計晝怎樣去玩個game。找供應商,及開拓鮮果以外的貨源。也預備在這有限時間重新佈置一下間鋪,吸引多一些青年客源。

      至於價值投資小弟只是一個初哥,直到現在都只是CD-ROM。

      刪除
    5. 很高興看到吉米兄的分享,了解你的營商環境,希望下次看見你分享成功扭轉敗局的經驗,祝你好運,加油。

      刪除
  25. 生命.總會自己找到出路

    人生.總在痛過才有體悟

    在此簡單分享.小弟個人體悟

    25 歲開始工作,當年月薪約為港幣 6,000 (台灣俗稱 22k, 24k)

    28 歲開始改變,開始學習 & 開始投資

    30 歲檢視成果,在學習 & 兼職 & 投資的三管齊下之下,我的人生起了變化

    時至今日,現年 33,略有小成,仍需學習

    每月的現金流,成長為 30,000 港幣

    人生的路,開始寬了

    既然,身為負二代的我,也可以再憑著自身努力轉負為正

    我想?應該沒有不對的天地人,只有心態迷失的當事人

    Tiomthy

    回覆刪除
    回覆
    1. 雖計及主動收入,但8年上升5 倍,這是不錯的成績,能解決的問題亦更多,方法亦更多,這是思維的改變,絕對不是一條死數。

      刪除
  26. 儲蓄係好重要,多與少人人吾同,劉公子講架吾係一個指標,吾係教你儲($3000)上車,而係概念上比較吾同人對現實享樂架取捨。少D娛樂少D享受,吾可以話一定得,但有機會!
    如果第一步只係批評認為呢一個社會欠左你今,就只會成日社會一羣喊樓貴買吾倒最低層!
    培養儲蓄,慢慢學習吸收財務知識,為自己同財富不斷增值!
    跑得比人慢吾緊要,最緊要吾好停低!;-)

    久二

    回覆刪除
    回覆
    1. 可惜今天部份年青人不只停低,更向後跑,試圖把所有香港發展都阻攔,其實自己不斷破壞了機會,在開倒車。

      刪除
    2. 有時感覺自己架諗法未必受身體架朋友認同,就好似社會上架少數意見,不被接受,視為非主流。
      不久吾久會諗下,主流非主流重要嗎?!
      最重要係忠於自己,係之前架文章入面blog友回覆導copy左呢句:「你們要好明白走這條自由之路絕非社會主流,我們的生活理念、價值觀、和消費模式等,都會(跟主流)很不相同,要記住忠於自己,為自己真心相信的夢想而努力」:-D
      另自己更加對目標更堅持!

      刪除
    3. 永遠想多數人所想的,做多數人所做的,絕對難以成功,要離開羊群,需要智慧與勇氣,加油。

      刪除
  27. 香港依家就是太偏激, 太著緊數字了..我的理解是, 不論財叔定劉生, 都只是想表達出: 連錢都存不了, 何來談買樓. 第一個目標定係每月存 3千, 然後再來 每月 存5千..

    千里之行, 始於足下

    Keith

    回覆刪除
    回覆
    1. 我發現這裡大部份blog友都明白,大家的思維都很正面噢。

      刪除
  28. 滿招損,謙受益!
    詐傻扮懵話唔識 (正面一點說是: 虛心學習),
    反而會學得更多!

    自己遇到的問題是自己的問題,無人有義務帮我解決。其實大部分人遇到的大環境相同,有些人想盡辦法改善自己的處境; 有些人想盡法子搵其他人負責任。

    雖然大學都教要有批判思考,但批判別人的論調時,可以找渣,也可以找金粒。這純粹是自己的選擇。

    就算找到金粒,搵到好橋。自己是否願意承擔風險,都是自己的決定。呢個世界,不嬲都無包生仔的事。自己要中個頭落去,是自己決定,不能話對方引誘我落搭。

    回覆刪除
    回覆
    1. stay hungry, stay foolish,這句話很簡單,但不一定容易明白,往往在不同階段,不同水平,會有不同理解與領悟。

      刪除
    2. 匿名8.6.15

      最好的方法都要去體驗,用時間來證明成果,才可領略財叔的道理。

      刪除
    3. 的確如此,看文只是紙上談兵,無論看多少遍,沒有實踐經驗,還是領略不到的,何況是躲在家中計一條死數,這更不行。

      刪除
  29. 很多回應都睇到我汗顏不已😓

    回覆刪除
    回覆
    1. 的確汗顏,但又頗精彩,所以忍不住貼出來成文。

      刪除
    2. 的確(批評得)非常精彩。故事證明有時候, 忠言逆耳。其實後生仔初出茅廬有誰有能力買樓?還記得當年SARS時大學畢業生人工普遍7000-8000, 就算當時樓價幾低一樣要儲首期。現在儲蓄是為了明日機會來到時好好把握。

      刪除
    3. 沙士時我也未有能力買樓,亦不知道當時就算有能力也會否買,部份是時勢與機會問題,部份是財商問題,年青人要有好的認知。

      刪除
    4. 止凡兄,同你講聲,我今日篇博文又 link到你這篇文章了。找到了一篇財叔去年寫的文章,都想同閣下分享。https://hk.finance.yahoo.com/news/%E3%80%90%E7%B2%BE%E6%98%8E%E7%90%86%E8%B2%A1%E3%80%916%E6%8B%9B%E9%81%94%E8%B2%A1%E5%8B%99%E8%87%AA%E7%94%B1-50%E6%AD%B2%E4%B8%8D%E7%82%BA%E9%8C%A2%E6%89%93%E5%B7%A5--015952402.html

      刪除
    5. 看見你的post,多謝Tom兄分享。

      刪除
    6. 哪裡哪裡,多多跟止凡兄學習是也。

      刪除
    7. 太客氣了。

      刪除
  30. 我贊成留低嘅都係同路人,去年遇然經過睇到止凡兄個blog,所言深得我心,忍不住唔瞓都追睇止凡兄從前blog之内容;跟住睇埋巴黎兄、自由兄之blog--充滿正能量又學到嘢!故我常推薦俾我D朋友睇,但佢哋冇乜反應!
    其實我也是12歳出嚟工作,但到今天已經能提早退休!人都係要先付出,才能有收獲!

    回覆刪除
    回覆
    1. 多謝Sandy分享與支持,12歳出來工作,童工,小心一點噢。

      其實我也深知大多數人對這個blog反應不大,應該話對文字都反應不大,若直接講冧巴,有相有影片,一分半分鐘聽完又好笑,這才多人看,這也是我從身邊朋友所感受到的。

      刪除
  31. Stephen Wong9.6.15

    止凡兄, 其實我覺得
    成功者, 起步已經決定左佢會成功, 因為他會想方設法找出可行的計劃, 達成自己的目標;
    失敗者, 只會找各種藉口推搪; 我和太太 2010年月入才 7千 + 9千, 一樣用左 4.7萬, 冇裝備上車.
    不過, 現在租金確實很貴, 但沒有人說, 月入1.5萬, 就要住好的地段, 有電梯, 難道不可以捱下, 住下劏房? 小弟當時未買都是住在一個 2千2百元月租的劏房, 咪一樣上到車....

    回覆刪除
    回覆
    1. Stephen Wong9.6.15

      修正字眼, 是沒有裝修, 不是沒有裝備

      刪除
    2. Stephen Wong9.6.15

      止凡兄, 其實我覺得
      成功者, 起步已經決定左佢會成功, 因為他會想方設法找出可行的計劃, 達成自己的目標;
      失敗者, 只會找各種藉口推搪; 我和太太 2010年月入才 7千 + 9千, 一樣用左 4.7萬, 冇裝修上車.
      不過, 現在租金確實很貴, 但沒有人說, 月入1.5萬, 就要住好的地段, 有電梯, 難道不可以捱下, 住下劏房? 小弟當時未買都是住在一個 2千2百元月租的劏房, 咪一樣上到車....

      刪除
    3. 明白你的意思,很喜歡有血有肉的故事分享,今天的年青人應該從這些故事中好好學習。

      刪除
  32. 看完了那些留言,有點悲哀。似乎『很多人』都想快,快點起跑,快點學多點技藝,快點讀完書,快點工作,快點加人工,快點有樓有車,快點唔使做,忘記了根本。沒有堅持堅忍的決心,那有明天?沒有計劃,沒有開始的第一步,哪有終點?

    我中學開始做part time一直做到大學final year,因為學習太忙才停工。開始收入也不過萬幾蚊,畢業第一年就死存爛存不敢花多一毫,把grant loan還清。因為覺得沒有負債,才可以重新開始。開始的幾年,都是帶飯啊,存錢,月供,誰不是這樣開始?我們在04年買樓?有人會說好彩,我自已也覺得好彩,但是彩到的時候如果你是月光族,請問你是不是俾條毛?以前住在鐵皮屋,根本沒有奢望過會有一套自己的樓,但是明白如果不努力,一定什麼都沒有。現在有家,有一套小房子,有兩個女兒,有個好老公,幸福人生不過如此,也沒白活了,原地踏步的人還是在原地踏步。

    財叔說過,財務自由唔係唔使做,唔係唔使節儉,好多人還是不明白,我相信只要我堅持,10年內我一定可以財務自由。

    回覆刪除
    回覆
    1. 有點氣,寫得太多,發現留言搞得亂七八糟,哈哈,sorry。

      刪除
    2. 正在回你第一個留言,事後發現被你刪除了。

      其實你留了言被google放了進spam box,可以不管它,等我把它放回原處就可以了,不用重複再打過。

      刪除
    3. Mandy應該還年輕,10年後還未有耐到退休年齡,到時達到財務自由,狀態實在很捧。

      其實最初劉生在影片中亦是想說出類似的道理,即不作好準備,機會到來時也沒法子,可恨今天年青人可能九成人連條影片都未有看過,只集中討論人家share出來的3000元買樓論,可惜。

      刪除
    4. @_@ 變成Spam 了。不年輕了,起步晚,二十六七歲才大學畢業,今年剛好四十。我很能體會儲蓄的power,我工作第一年即使搵得唔多,但是一定唔止儲三千,仲要俾家用。人工有調整,依家又有老公支撐大局,人工六成都可以留低,兩個女雖然無你個B咁米豬蓮,都快樂活潑,無被興趣班沒頂。我在等下一個買樓既機會,希望一變二,加油!

      刪除
    5. google的系統頗敏感的。

      生活筆意,抱著米芝蓮B,好過隱,哈哈。

      刪除
  33. 匿名9.6.15

    呢度氣氛的確好,小弟做左cd-rom好耐
    最近做左個操作,俾各位大師點評一下:
    因為見p loan息率真心平,借左七十萬,APR 3.07%, 供5年月供12000左右,全數於7.36買入939,諗住淨係收今次息都cover到大半總利息支出(計過全期總利息支出只係五萬幾)
    我覺得贏面高,不過唔敢俾屋企人知,難得一向保守的未婚妻肯支持我

    回覆刪除
    回覆
    1. 5年付了72萬,全期利息不是2萬嗎?這個rate很吸引噢。

      以939今天的股息,應該能cover所有利息有餘。個人借貸需要配合個人財務狀況,例如短期有否急錢要用。未知你看過「借貸」系列的文章沒有,當中提過不少考量。

      你這一招我在939在5元左右用過很多次,又加按又信用卡貸款,所以不太會反對吧,每個人財商不同,還是量力而為。

      刪除
    2. 匿名9.6.15

      正確來說是供一萬二千幾,我省掉了尾數,全期利息56,000, 出年派完息應該已超過呢個數
      供呢筆loan加埋供樓都未夠人工一半,安全系數應夠高吧?
      忘了留名字,叫我學子吧

      學子

      刪除
    3. 考慮周詳就好了,學子兄加油。

      刪除
  34. 睇完以上的文章和留言,就好似最近某部份年青人一樣,忙中也要出來來支持止凡和財叔,希望財叔能來來這裡,看到很多有心人都結集在這裡支持你們.....我們只是比較靜的一群吧....支持支持

    回覆刪除
    回覆
    1. 財叔有來留言,我想他也感受到這裡blog友的質素。

      刪除
    2. 我與你們同在😊😊

      刪除
  35. 匿名9.6.15

    好多人根本放棄唔到物慾生活, 尤其未婚既年青人, 問佢最想做D咩, 一定唔係草首期買樓.
    其實有幾多真係有需要買樓?
    話想買無非都係見樓價升想羊群追貨, 追唔到又話貴唔抵買, 果時08, 09年通街平貨又唔夠胆買.
    香港人羊群心態太強了, 要人有我人. 買樓固然, 投資亦然.
    有財商既人係每月量入為出, 養成良好理財習慣 + 適當投資, 靜雞雞等下次機會出手. 機會就係咁留俾有準備既人.
    而唔係自己無能力成日吠人, 吠社會. 太多負能量了.

    k

    回覆刪除
    回覆
    1. 有財商,自然會理解這現象,更會利用這現象去走最合適有利可圖之路。

      刪除
    2. 其實根本就系
      有需要 你就會努力去 令到自己買到
      無需要 你根本唔會去行動

      買股票其實亦然
      你如果有需要財務自由
      你自然會去了解箇中方法
      而唔系依家雞犬皆升先買

      正如 林生 話: 依家人地問我仲應唔應該入市
      佢會止語
      因為唔想傷害卷商利益
      但根本依家就唔系買嘅時機

      其實好多野都系常識
      只系大部分人唔願意接受常識
      成日都妄想 海賊王式 火影忍者式 爆發

      刪除
    3. BTW,
      唔好成日諗著 你可以系依個社會拎到咩野
      改變下自己嘅思維:
      死後, 可以留下什麼給這個社會
      資產 根本不算是什麼! 人死後, $也是不滅的, 我們只是借用一百幾十年

      刪除
    4. 林生是指林行止先生?

      最後一句很禪,我們只是借用金錢一百幾十年,有點禪師(自由一千萬兄)的影子。

      刪除
    5. 林本利呀
      我無咁文學 XDDD

      刪除
    6. 哦,原來是林本利。

      刪除
  36. 匿名9.6.15

    凡事有因必有果,請批評者諗下 人地係到捱緊麵包、做1X小時既工作,你地係到做緊咩
    你地係到比緊無謂既錢買服務渣,試問你地有咩資格出聲。
    財叔都係比一個方法,你地去參考,你就話人地打手 話乜話乜
    到左遲下 你地依然有你地鬧
    樓價有佢自己既升值
    你地可以再做鍵盤戰士,係到插。

    真係有心買資產既人 好心你地做少D鍵盤戰士,諗下方法去達成目標仲實際
    當你地覺得離地既方法 咁點解會有人做到,有冇諗過
    其實係你地做緊太空人渣

    胖胖

    回覆刪除
    回覆
    1. 胖胖又不用太勞氣,我想你的文字都未必能被批評者們看到的,因為他們大概沒有興趣跑進來看文,這裡太「悶」了,哈哈。

      刪除
    2. 匿名10.6.15

      其實講真 打呢篇文章既時候 愈打愈火
      如果呢個香港少啲批評 多啲去思考人地所提出既野
      所謂既批判性思維 根本係佢地身上睇唔見
      我相信未來一定會更好

      胖胖

      刪除
    3. 還有持著欣賞的心態,從別人身上學習,這都是較為可取的態度。

      刪除
  37. 匿名9.6.15

    其實最重要不是用什麼方法,而是有一份定要達到目標的決心。 權

    回覆刪除
    回覆
    1. 決心的確非常重要,這亦是很多年青人沒有的。

      刪除
  38. 識左財叔咁耐, 仲係到同人講儲蓄有幾重要
    世界真係有太多盲毛, 辛苦財叔啦!
    我雖然迷失了人生, 但仲知道儲蓄有幾重要, 由讀大專到大學畢業都一直儲錢
    雖然我冇目標, 但我知見到機會冇錢買時, 就冇左個升LV既機會, E D機會, 一世人唔會有好多個

    回覆刪除
    回覆
    1. 未雨綢繆,總好過臨渴掘井,這道理顯淺易明,只是接不接受的問題。

      刪除
  39. 呢度之所以多同路人, 某程度因為係同路人先會對踏實投資有興趣, 但在整個香港網絡羣體, 畢竟係較年青人比較多, 任何教訓年青人的文章放 facebook, 被人瘋傳加負面批評機乎是必然的...

    話說回來, 可能我們這些中坑真係無法理解青年人既苦況, 記得我 N 年前 fresh grad. 第一份工正正就是萬五蚊, 以當年既樓價我都唔覺得自己有能力買樓, 我唔明點解 N 年後會有人好似講到萬五蚊「應該要」買到樓。

    回覆刪除
    回覆
    1. 萬五元應該是劉生所舉的例子,所以大家就拿了萬五元來討論,其實這個薪金比我出來工作時還要高了,當時也沒有太負面的想法,但今天年青人就感到塌天似的。

      刪除
  40. 匿名14.6.15

    正面的,負面的。有些字眼看完很不舒服,大家像對企在對立面。
    說真的,年齡是一個大問題。小弟今年41歲,跟老婆在04年及08年先後買入小單位換樓及放租,12年供滿貸款。雖然我倆都是嚴守控制開支的人,但都覺得這小成功是運氣佔多數,換了今天,樓價實在太高,剛出道的年青人即使嚴守支出,但那首期的數字也太離地。
    還記得98年入市買入第一間屋,當年利息還很高,有些月份如有特發開支,晚餐多以麵包充饑。雖有樓在手,生活亦不快樂。其後因結婚及在04年因有小生命出生而換樓,賣價比當年買入價低了4成,心理很不舒服。
    今天樓價比當年高很多很多,但收入沒有同步增加,不能拿自己的做法跟時下年青人直接比較,大家應多一些體諒。

    回覆刪除
    回覆
    1. 十分同意,社會不應該再撕裂下去,雙方多點體諒更好。

      刪除

熱門文章