2012年12月4日星期二

葉玉卿復出

今日看電視播出葉玉卿復出拍電影, 身邊有位朋友即時話:「嘩, 無錢啦, 要出返黎拍戲!」


止凡又立即話:「唔係呀, 佢應該有好多億喎!」

朋友:「唔信, 就算係都只係賬面數, 真係咁有錢就唔出黎拍戲啦, 搵得幾多呀?!」

止凡話:「咁有錢人諗野唔同你既, 當錢已經唔係一個問題時, 做野可能為人生更有意義呢。」

朋友:「超! 你又知? 你好有錢呀?! 俾我咁有錢既話就唔會出返黎做野囉。」

事實上我不是富有, 連財務自由這個基本也還未達到, 但不知道為何, 心中算是明白有錢人的感覺, 可能跟自己理想地控制收入及支出有關, 再升職加人工對無欲無求的生活好像沒有太大驚喜, 多年前已經覺得錢不是一個意義指標。

劉鑾雄(大劉)家中有成千上萬支紅酒, 每支都價值不菲, 但如今他主要拿來送禮, 為何呢? 從前大劉跟很多名星、model開party, 一個party就會開很多支紅酒, 每位嘉賓都飲到爛醉, 但大劉現時年紀已經不少了, 身體支持不了經常開party, 事實他亦對這種生活失去興趣, 紅酒自然儲了很多, 放在家反正沒有用處, 唯有作為禮物送給別人。

邵逸夫先生, 每次出席台慶節目都有當紅港姐相伴, 但其實長命百歲的他還能享受嗎? 同時, 如果他喜歡享受女色, 他過去一生享受這種款待又何至一萬次呢? 真的還有興趣嗎?

記得去新加坡賭場, 看到有位大陸賭客拿很多籌碼玩輪盤, 滿枱都是, 我算一算大約有50萬上下吧, 她買的方法很有趣, 就是把籌碼填滿每一格, 每格落十數個籌碼, 買滿之後荷官就開, 她一定會買中, 之後就賠, 荷官數完一輸, 賠完後, 枱面的籌碼又跟之前的差不多, 她又重覆再買。這樣有意思嗎? 你入賭場為贏錢, 她入賭場可能只為等老公在樓上傾生意, 又shopping完, 太悶才來「玩」賭。

一般人生活都為錢奔波, 認為有錢就好辦事, 所有東西都圍繞著錢這個問題發生。但試幻想一下, 錢不再是問題, 你有的錢已經不可能用完, 要多少有多少, 在這種狀態下你會做什麼? shopping? 買馬? 入賭場? 環遊世界? 買車買樓? 買名星追model? 如果這些都不停地做了多年呢? 真的還有興趣嗎?

相信這時候你應該會找些真正對你有意義的東西來做, 可能是在社會再找工作, 追求社會地位, 識朋友, 幫人, 做慈善之類。這樣代入角色思考一下, 你可能會明白李嘉誠為何還會工作, 巴菲特及世界首富亦然。當然, 還會有人覺得他們是身不由己, 這樣有錢一定不會選擇工作, 但也被迫要工作, 陰謀論地說他們一定是退不下來之類, 但這未免太「從自己的井口觀天」了。

5 則留言:

  1. 匿名5.12.12

    無錯,記得某有錢名人講過大約的說話“當你的錢到一定的量之後,漢堡仍然是那個漢堡“。
    我地如何看待錢,就決定到我們所能夠掌握到的錢。人人都識搵錢,有錢人有錢在於佢地更識得去管理錢,而不是為了圍繞住錢而去生活。就好似中到威力彩,六合彩,冇理財知識既最後只會變得更。
    即使知道呢個道理,仍然要好大的意念去控制自已,亦要持之以恆既行動力去堅持!

    回覆刪除
    回覆
    1. 匿名5.12.12

      “冇理財知識既最後只會變得更慘。“

      刪除
    2. 正是這個道理。

      刪除
  2. 那前提是葉玉卿真的是有錢吧...你怎樣知道她有很多億呢??

    回覆刪除
    回覆
    1. 據報, 人家早就嫁個有錢人了, 好像是連鎖超市老闆。

      刪除

熱門文章